ഓമശ്ശേരി-തിരുവമ്പാടി റോഡിൽ ബസും ലോറിയും കൂട്ടിയിടിച്ച് അപകടം; നിരവധി പേർക്ക് പരിക്ക്; തടസപ്പെട്ട ഗതാഗതം പുനഃസ്ഥാപിച്ചു

കോഴിക്കോട്: ഓമശ്ശേരി-തിരുവമ്പാടി റോഡിൽ തറോൽ വളവിൽ ബസും ട്രെെലർ ലോറിയും കൂട്ടിയിടിച്ച് അപകടത്തിൽ നിരവധി പേർക്ക് പരിക്ക്. വ്യാഴാഴ്ച ഉച്ചയ്ക്ക് ഒന്നര മണിയോടെയാണ് സംഭവം. 14 പേർക്കാണ് അപകടത്തിൽ പരിക്കേറ്റത്. ഇവരെ ഓമശ്ശേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു.

അതേസമയം, ആരുടെയും പരിക്ക് ​ഗുരുതരമല്ല. അപകടത്തിൽ ബസിന്റെയും ലോറിയുടെയും മുൻഭാ​ഗം തകർന്നു. അപകടത്തെ തുടർന്ന് ഓമശ്ശേരി-തിരുവമ്പാടി റോഡിൽ ഏറെനേരം ഗതാഗതം തടസപ്പെട്ടു. ലോറിയും ബസും സ്ഥലത്തുനിന്ന് മാറ്റിയശേഷമാണ് ഗതാഗതം പുനഃസ്ഥാപിച്ചത്.