മലപ്പുറം പൊന്നാനിയിൽ ഞെട്ടിക്കുന്ന അപകടം; അയ്യനെ തൊഴാൻ പോയ ഭക്തർ സഞ്ചരിച്ച വാൻ ലോറിയുമായി കൂട്ടിയിടിച്ച് വൻ അപകടം; ഒരാൾക്ക് ജീവൻ നഷ്ടമായി; നിരവധി പേർക്ക് പരിക്ക്

മലപ്പുറം: ശബരിമല തീർത്ഥാടനത്തിനിടെ പൊന്നാനിയിൽ വാഹനാപകടം. അയ്യപ്പഭക്തർ സഞ്ചരിച്ച വാൻ ലോറിയുമായി കൂട്ടിയിടിച്ച് കർണാടക സ്വദേശിയായ ഒരാൾ മരണപ്പെട്ടു. അപകടത്തിൽ കുട്ടികൾ ഉൾപ്പെടെ 11 തീർത്ഥാടകർക്ക് പരിക്കേറ്റു. പരിക്കേറ്റവരെ ഉടൻ ആശുപത്രിയിൽ പ്രവേശിപ്പിച്ചു.

കൂടാതെ, കഴിഞ്ഞ ദിവസം ശബരിമല പാതയിൽ നിലയ്ക്കൽ-പമ്പ റൂട്ടിൽ രണ്ട് കെഎസ്ആർടിസി ബസുകൾ കൂട്ടിയിടിച്ചും അപകടമുണ്ടായിരുന്നു. ഈ അപകടത്തിൽ യാത്രക്കാർക്ക് കാര്യമായ പരിക്കില്ലെങ്കിലും ഡ്രൈവർക്ക് നിസ്സാരമായി പരിക്കേറ്റിരുന്നു. തീർത്ഥാടന കാലത്ത് ഡ്രൈവർമാർ അതീവ ജാഗ്രത പാലിക്കണമെന്ന് അധികൃതർ മുന്നറിയിപ്പ് നൽകി.