വീട്ടിലെ ഷെഡ്ഡിൽ പരിശോധന; കുപ്പിയിൽ ഒളിപ്പിച്ച നിലയിൽ മാരക മയക്കുമരുന്നുകൾ; പൂന്തുറയിൽ യുവാവ് അറസ്റ്റിൽ; വാ..പോകാമെന്ന് എക്സൈസ്

തിരുവനന്തപുരം: ഓപ്പറേഷൻ ക്ലീനിന്റെ ഭാഗമായി നടന്ന പരിശോധനയിൽ വൻ മയക്കുമരുന്ന് വേട്ട. തലസ്ഥാനത്ത് എക്സൈസിന്‍റെ മയക്കുമരുന്ന് വേട്ട. തിരുവനന്തപുരത്ത് വീട്ടിലെ ഷെഡ്ഡിനുള്ളിൽ വിൽപ്പനയ്ക്കായി സൂക്ഷിച്ചിരുന്ന കഞ്ചാവും ഹാഷിഷ് ഓയിലുമായി യുവാവിനെ എക്സൈസ് സംഘം അറസ്റ്റ് ചെയ്തു.

പൂന്തുറ സ്റ്റേഷൻ പരിധിയിൽ പരുത്തിക്കുഴി മുസ്‌ലിം ജമാഅത്ത് പള്ളിക്കു പിന്നിൽ താമസിക്കുന്ന മുഹമ്മദ് അനസ്(27) ആണ് വലയിൽ കുടുങ്ങിയത്. ഇയാളുടെ വീടിനുമുകളിലെ താത്‌കാലിക ഷെഡ്ഡിൽനിന്നുമാണ് കുപ്പിയിൽ സൂക്ഷിച്ച 650 ഗ്രാം ഹാഷിഷ് ഓയിലും 1.2 കിലോ ഗ്രാം കഞ്ചാവും പിടിച്ചെടുത്തിട്ടുണ്ട്.