കഞ്ചാവിന്റെ പാതി ബോധത്തിൽ 15 കാരൻ; വെട്ടുകത്തിയുമായി അലറിവിളിച്ച് പരാക്രമം; വഴിയാത്രക്കാർ കുതറിയോടി; സഹികെട്ട് നാട്ടുകാർ പിടികൂടി പോലീസില്‍ ഏല്‍പ്പിച്ചു; സംഭവം മലപ്പുറത്ത്

മലപ്പുറം: കഞ്ചാവ് ലഹരിയുടെ ബോധത്തിൽ വെട്ടുകത്തിയുമായി 15 കാരൻ്റെ പരാക്രമം. മലപ്പുറം ചേകന്നൂർ അങ്ങാടിയിലാണ് പരാക്രമവുമായി 15 കാരൻ എത്തിയത്. ഹാർഡ്‍വേർ ഷോപ്പിൽ നിന്നും വെട്ടുകത്തി എടുത്തുകൊണ്ട് വന്നായിരുന്നു പരാക്രമം. ഇതോടെ 15 കാരനെ നാട്ടുകാർ പിടികൂടി പൊന്നാനി പോലീസിന് കൈമാറി.

കഴിഞ്ഞ ദിവസം വൈകിട്ടോടെയായിരുന്നു സംഭവം നടന്നത്. ആനക്കര സ്ക്കൂളിന് സമീപത്തെ പൂരത്തിന് പങ്കെടുക്കാൻ എത്തിയ യുവാക്കൾ തമ്മിൽ ചേകന്നൂർ അങ്ങാടി ഭാഗത്ത് വെച്ച് വാക്ക് തർക്കവും കയ്യാങ്കളിയും ഉടലെടുത്തിരുന്നു. ഇതിന് പിന്നാലെയായിരുന്നു പതിനഞ്ചുകാരൻ്റെ പരാക്രമം കാണിച്ചത്.