എക്സൈസിന്റെ മിന്നൽ റെയ്ഡ്; തൃശൂരിൽ ചാരായവുമായി 59കാരൻ അറസ്റ്റിൽ; 5 ലിറ്റർ വരെ പിടിച്ചെടുത്തു

തൃശൂർ: അഞ്ച് ലിറ്റർ ചാരായവുമായി ഒരാൾ അറസ്റ്റിൽ. തൃശൂർ കുറിച്ചിക്കരയിലാണ് സംഭവം നടന്നത്. കള്ളായി സ്വദേശി ഗോപി(59)യാണ് പിടിയിലായത്. കോലഴി എക്സൈസ് റേഞ്ച് ഇൻസ്പെക്ടർ നിധിൻ.കെ.വി യുടെ നേതൃത്വത്തിലാണ് കേസ് കണ്ടെടുത്തത്.

‌അസിസ്റ്റന്റ് എക്സൈസ് ഇൻസ്പെക്ടർ രാജു , അസിസ്റ്റന്റ് എക്സൈസ് ഇൻസ്പെക്ടർ(ഗ്രേഡ്) മനോജ് കുമാർ, പ്രിവന്റീവ് ഓഫീസർ(ഗ്രേഡ്)മാരായ സുധീർ കുമാർ, ജിദേഷ് കുമാർ, ഷേയ്ഖ് അഹദ്, സിവിൽ എക്സൈസ് ഓഫീസർ ശരത്, സിവിൽ എക്സൈസ് ഓഫീസർ ഡ്രൈവർ ശ്രീജിത്ത് എന്നിവർ അന്വേഷണ സംഘത്തിൽ ഉണ്ടായിരുന്നു.