ഏലത്തോട്ടത്തിൽ നിന്നും എലക്കായ ശരം വെട്ടിപ്പറിച്ചു; അന്വേഷണത്തിൽ കുടുങ്ങി; കേസിൽ രണ്ടുപേരെ കൈയ്യോടെ പൊക്കി പോലീസ്

ഇടുക്കി: അണക്കര ഭാഗത്തെ ഏലത്തോട്ടത്തിൽ നിന്നും എലക്കായ ശരം (കുല) ഉൾപ്പെടെ വെട്ടിപ്പറിച്ച കേസിൽ പ്രതികളെ വണ്ടൻമേട് പോലീസ് അറസ്റ്റ് ചെയ്തു. അണക്കര സ്വദേശികളായ മനീഷ് (44) രതീഷ് (36) അനിൽ (42) എന്നിവരാണ് പിടിയിലായത്.

കഴിഞ്ഞ 25 നാണ് പ്രതികൾ ഏലക്കായ വെട്ടിപ്പറിച്ചത്. പരാതിയെ തുടർന്ന് വണ്ടൻമേട് പോലീസ് നടത്തിയ അന്വേഷണത്തിൽ പ്രതികളെ അറസ്റ്റ് ചെയ്യുകയായിരുന്നു.

സി.ഐ. ഷൈൻകുമാർ, എസ്.ഐ. ബിനോയി എബ്രഹാം, പ്രകാശ്, പ്രശാന്ത് മാത്യു, ഫൈസൽമോൻ, കൃഷ്ണകുമാർ, രാജേഷ് എന്നിവരടങ്ങുന്ന സംഘമാണ് പ്രതികളെ പിടികൂടിയത്.