ഓട്ടോറിക്ഷയിൽ കഞ്ചാവ് കടത്താൻ ശ്രമം; എത്തിച്ചത് വിൽപ്പനയ്ക്ക് വേണ്ടിയെന്ന് മൊഴി; 20.3 കിലോഗ്രാം വരെ പിടിച്ചെടുത്തു; പ്രതിയെ കൈയ്യോടെ പൊക്കി എക്സൈസ്

കൊച്ചി: ഓട്ടോറിക്ഷയിൽ വിൽപ്പനയ്ക്കായി കടത്തിക്കൊണ്ട് വന്ന 20.3 കിലോഗ്രാം കഞ്ചാവ് പിടികൂടിയെന്ന് എക്സൈസ്. പെരുമ്പാവൂരിലാണ് സംഭവം നടന്നത് . കുന്നത്തുനാട് മാറംമ്പിള്ളി സ്വദേശി നൗഷാദ് (42 വയസ്) ആണ് കഞ്ചാവുമായി അറസ്റ്റിലായത്.

പെരുമ്പാവൂർ എക്സൈസ് റേഞ്ച് ഇന്‍സ്പെക്ടര്‍ വിനോദ് കെ യുടെ നേതൃത്വത്തിൽ നടന്ന പരിശോധനയിലാണ് കഞ്ചാവ് കണ്ടെടുത്തത്.

എക്സൈസ് ഇൻസ്പെക്ടർ (ഗ്രേഡ്) പി സി തങ്കച്ചൻ, അസിസ്റ്റൻറ് എക്സൈസ് ഇൻസ്പെക്ടർ (ഗ്രേഡ്) സാബു വർഗ്ഗീസ്, പ്രിവന്റീവ് ഓഫീസർ അയ്യുബ് വി ഇ, പ്രിവന്റീവ് ഓഫീസർ (ഗ്രേഡ്) മാരായ ജസ്റ്റിൻ ചർച്ചിൽ, ഗിരീഷ് കൃഷ്ണൻ, സിവിൽ എക്സൈസ് ഓഫീസർമാരായ ബാലു എസ്, വിഷ്ണു എസ് ബാബു, വനിത സിവിൽ എക്സൈസ് ഓഫീസർ സുഗത ബീവി എന്നിവരും കേസെടുത്ത സംഘത്തിൽ ഉണ്ടായിരുന്നു.