പതിവായി അടക്ക മോഷണം; വ്യാപക തിരച്ചിൽ; പിന്നാലെ വിരുതന്മാരെ കൈയ്യോടെ പൊക്കി പോലീസ്; സംഭവം കോഴിക്കോട്

കോഴിക്കോട്: അടക്ക മോഷണത്തിൽ രണ്ട് പേർ പോലീസ് പിടിയിൽ. കോഴിക്കോട് ചാത്തമംഗലം വെള്ളനൂരിലാണ് സംഭവം നടന്നത്. ചെറൂപ്പ സ്വദേശിയായ കുറ്റിക്കടവ് കാളമ്പാലത്ത് വീട്ടിൽ ജംഷീർ (28) അരീക്കോട് സൗത്ത് പുത്താലം ആലുങ്ങൽ തൊടി സവാദ് (30) എന്നിവരെയാണ് പോലീസ് പൊക്കിയത്.

വെള്ളന്നൂര്‍ ഭാഗത്ത് കവുങ്ങിൻ തോട്ടങ്ങളിൽ സ്ഥിരമായി അടക്ക മോഷണം പോകുന്നുവെന്ന പരാതി ഉയര്‍ന്നിരുന്നു.

ഇതിന്‍റെ ഭാഗമായി പ്രദേശത്ത് പോലീസ് പട്രോളിങ് ഊര്‍ജ്ജിതമാക്കിയിരുന്നു. ഇതിനിടെ സംശയാസ്പദ സാഹചര്യത്തില്‍ പ്രദേശത്ത് കണ്ട് പ്രതികളെ ചോദ്യം ചെയ്തതോടെയാണ് മോഷണത്തില്‍ ഇവരുടെ പങ്ക് സ്ഥിരീകരിച്ചത്. പിടിയിലായവർ മറ്റ് പല കേസുകളിൽ ജയിലിൽ കിടന്നിട്ടുണ്ട്. അറസ്റ്റ് രേഖപ്പെടുത്തിയ പ്രതികളെ കോടതിയിൽ ഹാജരാക്കി റിമാൻഡ് ചെയ്തു.