റവ. ഡോ. പ്രിന്സ്റ്റണ് ബെന് സിഎസ്ഐ ദക്ഷിണ കേരള മഹാഇടവക ബിഷപ്പ്; സ്ഥാനാരോഹണം നാളെ തിരുവനന്തപുരം സിഎസ്ഐ എംഎം കത്തീഡ്രലില്
റവ. ഡോ. പ്രിന്സ്റ്റണ് ബെന് സിഎസ്ഐ ദക്ഷിണ കേരള മഹാഇടവക ബിഷപ്പ്
By : സ്വന്തം ലേഖകൻ
Update: 2026-03-21 12:22 GMT
ചെന്നൈ: സിഎസ്ഐ ദക്ഷിണ കേരള മഹായിടവക ബിഷപ്പായി റവ. ഡോ. പ്രിന്സ്റ്റണ് ബെന്നിനെ തെരഞ്ഞെടുത്തു. ദക്ഷിണ കേരള മഹായിടവകയുടെ ഏഴാമത്തെ ബിഷപ്പാണ് അദ്ദേഹം. 2024 മേയില് ബിഷപ്പ് സ്ഥാനത്ത് നിന്ന് വിരമിച്ച റവ.എ. ധര്മരാജ് റസാലത്തിന്റെ ഒഴിവിലേക്കാണ് തെരഞ്ഞെടുപ്പ് നടന്നത്.
ചെന്നൈയില് സിഎസ്ഐ സിനഡ് ഓഫീസിലായിരുന്നു പ്രഖ്യാപനം. മൂന്ന് പേരാണ് അഭിമുഖത്തിന് എത്തിയത്. നിലവില് മഹാഇടവക വൈസ് ചെയര്മാന് ആണ് റവ.പ്രിന്സ്റ്റണ് ബെന്. തിരുവനന്തപുരം വെങ്ങാനൂര് സ്വദേശിയാണ്.
2024 സെപ്റ്റംബര് മുതല് മഹാഇടവകയ്ക്ക് ബിഷപ്പ് ഉണ്ടായിരുന്നില്ല. സ്ഥാനാരോഹണം നാളെ ഉച്ചയ്ക്ക് ഒരു മണിക്ക് തിരുവനന്തപുരം സിഎസ്ഐ എംഎം കത്തീഡ്രലില് നടക്കും.