വെള്ളരിക്കുണ്ട് ഭാഗത്ത് ഭൂചലനം; അസാധാരണ ശബ്ദം കേട്ട് ഞെട്ടി ഉണർന്ന് സമീപവാസികൾ; പരിഭ്രാന്തിയിൽ നാട്ടുകാർ; വീടുകളിലെ കട്ടിൽ ഉൾപ്പടെ കുലുങ്ങി; ആശങ്ക വേണ്ടെന്ന് അധികൃതർ

കാസർകോട്: കാസർകോട് വെള്ളരിക്കുണ്ട് താലൂക്ക് ഭാഗങ്ങളിൽ നേരിയ ഭൂചലനം അനുഭവപ്പെട്ടതായി വിവരങ്ങൾ. ബിരിക്കുളം, കൊട്ടമടൽ, പരപ്പ ഒടയംചാൽ, ബളാൽ, കൊട്ടോടി എന്നീ ഭാഗങ്ങളിലാണ് ഭൂചലനം അനുഭവപ്പെട്ടത്. പുലർച്ചെ ഒന്നരയോടെയായിരുന്നു സംഭവം നടന്നത്. ഭൂചലനത്തിനൊപ്പം അസാധാരണ ശബ്‌ദവും കേട്ടതായി നാട്ടുകാർ പറയുന്നു.

ബിരിക്കുളം, കൊട്ടമടൽ, പരപ്പ ഒടയംചാൽ, ബളാൽ, കൊട്ടോടി എന്നി പ്രദേശങ്ങളിൽ നാലഞ്ച് സെക്കന്‍റ് അസാധാരണ ശബ്‌ദം കേട്ടുവെന്നാണ് നാട്ടുകാർ പറയുന്നു. കട്ടിൽ ഉൾപ്പെടെ കുലുങ്ങിയെന്ന് നാട്ടുകാര്‍ പറയുന്നു.

പരപ്പ, പാലംകല്ല് ഭാഗത്തും ഇത് അനുഭവപ്പെട്ടു. തടിയൻ വളപ്പ് ഭാഗത്തും ഇതേ അനുഭവം ഉണ്ടായി. ചുള്ളിക്കര കാഞ്ഞിരത്തടിയിൽ പലരും വീട്ടിൽ നിന്നും പുറത്തേക്ക് ഓടി. ഫോൺ ഉൾപ്പടെ താഴെ വീണു എന്നാണ് നാട്ടുകാർ വ്യക്തമാക്കുന്നത്.