സ്വന്തം നാടും വീടും കാണാതെ സൗദിയിൽ കഴിഞ്ഞത് ഏഴുവർഷം; പിന്നാലെ മസ്തിഷ്കാഘാതം ബാധിച്ച് മലയാളിയുടെ മരണം; ദുഃഖം താങ്ങാനാകാതെ കുടുംബം

റിയാദ്: മസ്തിഷ്കാഘാതം സംഭവിച്ച് സൗദിയിലെ ജുബൈൽ ജനറൽ ആശുപത്രിയിൽ ചികിത്സയിലിരുന്ന കൊല്ലം പരവൂർ സ്വദേശി നസീം മുഹമ്മദ്‌ കുഞ്ഞ് മരണപ്പെട്ടു. ദിവസങ്ങൾക്ക് മുമ്പാണ് ആരോഗ്യനില മോശമായതിനെ തുടർന്ന് ഇദ്ദേഹത്തെ ആശുപത്രിയിൽ പ്രവേശിപ്പിച്ചത്.

ജുബൈലിൽ ജോലി ചെയ്തിരുന്ന നസീം മുഹമ്മദ്‌ കുഞ്ഞ് കഴിഞ്ഞ ഏഴ് വർഷമായി നാട്ടിൽ പോയിട്ടില്ലായിരുന്നു. മാത്രമല്ല, മരണസമയത്ത് ഇദ്ദേഹത്തിന്റെ ഇഖാമയുടെയും (താമസരേഖ) ആരോഗ്യ ഇൻഷുറൻസിന്റെയും കാലാവധി അവസാനിച്ചിരുന്നു എന്നതും ശ്രദ്ധേയമാണ്.

മൃതദേഹം ജുബൈൽ ജനറൽ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. മൃതദേഹം നാട്ടിലെത്തിക്കുന്നതിനുള്ള ഔദ്യോഗിക നടപടിക്രമങ്ങൾ ഇപ്പോൾ പുരോഗമിച്ചുകൊണ്ടിരിക്കുകയാണ്.