സംസ്ഥാനത്ത് കനത്ത ചൂടിന് സാധ്യത; 12 ജില്ലകളിൽ യെല്ലോ അലർട്ട്; 36 ഡിഗ്രി സെല്‍ഷ്യസ് വരെ ഉയരും; പുറത്തിറങ്ങുമ്പോൾ സൂക്ഷിക്കണം; നിറയെ വെള്ളം കുടിക്കാനും നിർദ്ദേശം
By : സ്വന്തം ലേഖകൻ
Update: 2025-04-14 09:29 GMT
തിരുവനന്തപുരം: സംസ്ഥാനത്ത് കനത്ത ചൂടിന് സാധ്യത. 12 ജില്ലകളിൽ കേന്ദ്ര കാലാവസ്ഥാ വകുപ്പ് യെല്ലോ അലർട്ട് പ്രഖ്യാപിച്ചു. ഉയർന്ന താപനില മുന്നറിയിപ്പാണ് നല്‍കിയിട്ടുള്ളത്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, തൃശ്ശൂർ, പാലക്കാട്, മലപ്പുറം കോഴിക്കോട്, കണ്ണൂർ, കാസർകോട് ജില്ലകളിലാണ് മഞ്ഞ അലർട്ട്.
2025 ഏപ്രിൽ 14,15 തീയതികളിൽ കോട്ടയം, പാലക്കാട്, തൃശൂർ ജില്ലകളിൽ ഉയർന്ന താപനില 37 ഡിഗ്രി സെൽഷ്യസ് വരെയും തിരുവനന്തപുരം, കൊല്ലം, പത്തനംതിട്ട, ആലപ്പുഴ, എറണാകുളം, മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിൽ ഉയർന്ന താപനില 36 ഡിഗ്രി സെല്‍ഷ്യസ് വരെയും ഉയരാൻ സാധ്യതയെന്ന് കേന്ദ്ര കാലാവസ്ഥ വകുപ്പ് വ്യക്തമാക്കി. പുറത്തിറങ്ങുമ്പോൾ സൂക്ഷിക്കണമെന്നും നിറയെ വെള്ളം കുടിക്കാനും നിർദ്ദേശം നൽകിയിട്ടുണ്ട്.