ഉസ്താദ് നിര്‍ദ്ദേശിച്ച ആഭിചാരക്രിയയ്ക്ക് കൂട്ടു നിന്നില്ല; ഭാര്യയുടെ മുഖത്ത് തിളച്ച മീന്‍കറി ഒഴിച്ച് ഭര്‍ത്താവ്; ഗുരുതരമായി പൊള്ളലേറ്റ ഭാര്യയെ ആശുപത്രിയില്‍ പ്രവേശിപ്പിച്ചു; സംഭവം കൊല്ലത്ത്
കൊല്ലം: കൊല്ലത്ത് ഭാര്യയ്ക്ക് നേരെ ഭര്‍ത്താവിന്റെ ക്രൂര പീഡനം. ആഭിചാരക്രിയയ്ക്കു കൂട്ടുനിന്നില്ലെന്ന കാരണത്താലാണ് ഭര്‍ത്താവ് ഭാര്യയെ ക്രൂരമായി ആക്രമിച്ചത്. ഭാര്യയുടെ മുഖത്ത് തിളച്ച മീന്‍കറി ഒഴിക്കുകയായിരുന്നു. വയ്ക്കല്‍ ഇട്ടിവിള തെക്കേതില്‍ റജുല (35)യാണ് മീന്‍ കറി ഒഴിച്ചതിനെ തുടര്‍ന്ന് ഗുരുതരമായി പൊള്ളലേറ്റത്. ഭര്‍ത്താവ് സജീര്‍ ആണ് ആക്രമിച്ചത്.
ഇന്നലെ രാവിലെ ഒന്‍പത് മണിയോടെയായിരുന്നു സംഭവം. ''ഉസ്താദ് പറഞ്ഞത് കുടോത്രമാണെന്ന്'' ഭാര്യ പറഞ്ഞതോടെ സജീര്‍ കോപിതനായി അടിയന്തരമായി അടുക്കളയില്‍ നിന്ന് കറി എടുത്ത് ഭാര്യയുടെ മുഖത്ത് ഒഴിച്ചതായാണ് വിവരം.
റജുലയെ ഉടന്‍ ആശുപത്രിയിലെത്തിച്ച് ചികിത്സയ്ക്ക് വിധേയയാക്കി. സംഭവത്തെ തുടര്‍ന്ന് കുടുംബാംഗങ്ങള്‍ ചടയമംഗലം പൊലീസില്‍ പരാതി നല്‍കി. ആഭിചാരവിശ്വാസത്തിന്റെ പേരില്‍ ഉണ്ടായ ഈ ക്രൂരതയെ പോലീസ് ഗൗരവത്തോടെ കാണുന്നുണ്ട്. ഉസ്താദ് നിര്‍ദ്ദേശിച്ച ആഭിചാരക്രിയയ്ക്ക് കൂട്ടു നില്‍ക്കാത്തതാണ് കാരണമെന്ന് കുടുംബം ആരോപിച്ചു. മുഖത്ത് ഗുരുതരമായി പരിക്കേറ്റ റജുല ആശുപത്രിയില്‍ ചികിത്സതേടി.