ഒരു വശത്ത് കിഴക്കൻ കാറ്റ്; മറു വശത്ത് മലാക്ക കടലിടുക്കിലെ ചക്രവാതചുഴി; കേരളത്തിൽ വീണ്ടും മഴ മുന്നറിയിപ്പ്; ഇടിമിന്നലിനും സാധ്യതയെന്ന് കാലാവസ്ഥ വകുപ്പ്

തിരുവനന്തപുരം: മലാക്ക കടലിടുക്കിന് മുകളിൽ ചക്രവാതച്ചുഴി രൂപപ്പെട്ടതിനെത്തുടർന്ന് ഇന്ന് (നവംബർ 21, 2025) മുതൽ സംസ്ഥാനത്ത് ഇടിമിന്നലോടെ മഴ ശക്തമാകാൻ സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. ഈ ചക്രവാതച്ചുഴി തീവ്ര ന്യൂനമർദ്ദമായി മാറാൻ സാധ്യതയുണ്ട്.

ഇന്ന് തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം എന്നീ 7 ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. ഈ ദിവസങ്ങളിലും തുടർന്നുള്ള ദിവസങ്ങളിലും ഒറ്റപ്പെട്ട ശക്തമായ മഴയ്ക്ക് സാധ്യതയുണ്ട്.

മത്സ്യത്തൊഴിലാളികൾക്കുള്ള പ്രത്യേക മുന്നറിയിപ്പ് പ്രകാരം, ആൻഡമാൻ കടൽ, തെക്ക് കിഴക്കൻ ബംഗാൾ ഉൾക്കടൽ തുടങ്ങിയ പ്രദേശങ്ങളിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്. നവംബർ 25, 26 തീയതികൾക്ക് ശേഷം സംസ്ഥാനത്ത് പൊതുവെ മഴ കുറഞ്ഞ് വരണ്ട കാലാവസ്ഥയിലേക്ക് മാറിയേക്കാം.