പതിനഞ്ചുകാരിയെ ഭീഷണിപ്പെടുത്തി വര്‍ഷങ്ങളായി പീഡിപ്പിച്ചു; ട്യൂഷന് അധ്യാപകന്‍ അറസ്റ്റില്‍
പതിനഞ്ചുകാരിയെ ഭീഷണിപ്പെടുത്തി വര്‍ഷങ്ങളായി പീഡിപ്പിച്ചു; ട്യൂഷന് അധ്യാപകന്‍ അറസ്റ്റില്‍
ഡല്‍ഹി: പതിനഞ്ചുകാരിയെ ഭീഷണിപ്പെടുത്തി ട്യൂഷന് അധ്യാപകന്‍ വര്‍ഷങ്ങളോളം പീഡിപ്പിച്ചതായി പരാതി. ഡല്‍ഹി സിആര്‍ പാര്‍ക്ക് പൊലീസ് സ്റ്റേഷനിലാണ് പിതാവിന്റെ കൂടെ എത്തി പതിനഞ്ചുകാരി പരാതി നല്‍കിയത്. 2022 മുതല്‍ പെണ്‍കുട്ടി പ്രതിയുടെ അടുത്ത് ട്യൂഷന് പോകുന്നുണ്ടായിരുന്നു. ഇയാള്‍ സിആര്‍ പാര്‍ക്ക് നിവാസിയാണ്.
ബുധനാഴ്ചയാണ് തന്നെ ഉപദ്രവിച്ച അധ്യാപകനെതിരെ പെണ്‍കുട്ടി പരാതി നല്‍കിയത്. അച്ഛനോടൊപ്പമാണ് കുട്ടി സ്റ്റഷനില്‍ എത്തിയത്. 2022 മുതല്‍ ഇയാള്‍ കുട്ടിയോട് ലൈംഗീകാതിക്രമം കാണിക്കുന്നതായി പൊലീസ് പറഞ്ഞു. അതിക്രമം പുറത്തു പറയാതിരിക്കാന്‍ ഇയാള്‍ കുട്ടിയെ ഭീഷണിപ്പെടുത്തി. പ്രതിക്കെതിരെ പൊലീസ് പോക്‌സോ പ്രകാരം കേസെടുത്തിട്ടുണ്ട്. കൂടാതെ ബിഎന്‍എസ് സെക്ഷന്‍ 64, സെക്ഷന്‍ 376 എന്നീ വകുപ്പുകളും ഇയാള്‍ക്കെതിരെ ചാര്‍ത്തിയിട്ടുണ്ട്. സമഗ്രമായ അന്വേഷണം ആരംഭിച്ചതായി പൊലീസ് പറഞ്ഞു.