ഒരാഴ്ച മുന്‍പ് ബന്ധുവീട്ടില്‍ വച്ച് വളര്‍ത്തുനായയുടെ നഖം കൊണ്ട് മുറിവേറ്റു; ലപ്പുഴ കരുമാടിയില്‍ പേവിഷബാധയെ തുടര്‍ന്ന് വിദ്യാര്‍ഥി മരിച്ചു; മരിച്ചത് പടഹാരത്തെ 17കാരന്‍ സൂരജ്
By : സ്വന്തം ലേഖകൻ
Update: 2025-05-09 10:13 GMT
ആലപ്പുഴ: ആലപ്പുഴ കരുമാടിയില്‍ പേവിഷബാധയെ തുടര്‍ന്ന് വിദ്യാര്‍ഥി മരിച്ചു. പടഹാരം ഗീതാ ഭവനത്തില്‍ സരിത് കുമാറിന്റെ മകന്‍ സൂരജ് (17) ആണ് മരിച്ചത്. തകഴി ദേവസ്വം ബോര്‍ഡ് എച്ച്എസ്എസ് പ്ലസ് ടു വിദ്യാര്‍ഥിയാണ് സൂരജ്. ഒരാഴ്ച മുന്‍പ് ബന്ധുവീട്ടില്‍ വച്ച് വളര്‍ത്തുനായയുടെ നഖം കൊണ്ട് മുറിവേറ്റിരുന്നു. പേവിഷ പ്രതിരോധ വാക്‌സീന്‍ എടുത്തിരുന്നില്ല. അസ്വസ്ഥതകള്‍ ഉണ്ടായതിനെ തുടര്‍ന്ന് വണ്ടാനം മെഡിക്കല്‍ കോളജ് ആശുപത്രിയില്‍ ചികില്‍സയിലിരിക്കെ ഇന്നലെയാണ് മരണം സംഭവിച്ചത്. ഇന്ന് പോസ്റ്റ്‌മോര്‍ട്ടത്തിലാണ് പേവിഷബാധ സ്ഥിരീകരിച്ചത്.