എഞ്ചിനിയറിങ് പ്രവേശനം: ജൂലൈ 16 രാവിലെ 11 മണി വരെ ഓണ്‍ലൈനായി ഓപ്ഷനുകള്‍ നല്‍കാം
എഞ്ചിനിയറിങ് പ്രവേശനം: ജൂലൈ 16 രാവിലെ 11 മണി വരെ ഓണ്‍ലൈനായി ഓപ്ഷനുകള്‍ നല്‍കാം
തിരുവനന്തപുരം: സംസ്ഥാനത്തെ എന്‍ജിനിയറിംഗ് കോഴ്സുകളിലേക്ക് 2025-26 അധ്യായന വര്‍ഷത്തെ കേന്ദ്രീകൃത അലോട്ട്മെന്റ് നടപടികള്‍ ആരംഭിച്ചു. വിദ്യാര്‍ഥികള്‍ക്ക് വിവിധ എന്‍ജിനിയറിംഗ് കോഴ്സുകളിലേക്ക് ഓണ്‍ലൈന്‍ ഓപ്ഷനുകള്‍ സമര്‍പ്പിക്കാം.
സര്‍ക്കാര്‍, എയ്ഡഡ്, സ്വയംഭരണ എയ്ഡഡ്, സര്‍ക്കാര്‍ കോസ്റ്റ് ഷെയറിംഗ്, സ്വകാര്യ സ്വാശ്രയ സ്വയംഭരണ എന്‍ജിനിയറിംഗ് കോളജുകളിലേക്കാണ് ഈ ഘട്ടത്തില്‍ ഓപ്ഷനുകള്‍ ക്ഷണിച്ചത്. യോഗ്യത നേടിയ വിദ്യാര്‍ഥികള്‍ക്ക് 16 രാവിലെ 11 മണിവരെ www.cee.kerala.gov.in എന്ന വെ ബ്‌സൈറ്റിലൂടെ ഓണ്‍ലൈനായി ഓപ്ഷനുകള്‍ രജിസ്റ്റര്‍ ചെയ്യാം.
ഓപ്ഷനുകള്‍ രജിസ്റ്റര്‍ ചെയ്യാത്ത വിദ്യാര്‍ഥികളെ അലോട്ട്മെന്റിന് പരിഗണിക്കില്ല. ഈ ഘട്ടത്തില്‍ ലഭ്യമാക്കിയിട്ടുള്ള ഓപ്ഷനുകള്‍ തുടര്‍ന്നുള്ള ഘട്ടങ്ങളില്‍ പുതുതായി നല്‍കാന്‍ സാധിക്കില്ല. പ്രവേശനം ലഭിക്കാന്‍ ആഗ്രഹിക്കുന്ന എല്ലാ എന്‍ജിനിയറിംഗ് കോഴ്‌സുകളിലേക്കും ഈ ഘട്ടത്തില്‍ തന്നെ ഓപ്ഷനുകള്‍ നല്‍കണം.
വിശദവിവരങ്ങള്‍ക്ക് വെബ്‌സൈറ്റ്: www.cee.kerala.gov.in, ഫോണ്‍ : 0471-2332120, 2338487.