സംസ്ഥാനത്തു വരുന്ന 5 ദിവസം മഴ ശക്തമാകും; അപകടകരമായ രീതിയില്‍ ജലനിരപ്പ് നിലനില്‍ക്കുന്ന നദികളുടെ തീരത്തുള്ളവര്‍ക്ക് മുന്നറിയിപ്പ്
തിരുവനന്തപുരം: അപകടകരമായ രീതിയില്‍ ജലനിരപ്പ് നിലനില്‍ക്കുന്നതിനാല്‍ ചില നദികളില്‍ സംസ്ഥാന ജലസേചന വകുപ്പ് ഓറഞ്ച്, മഞ്ഞ അലര്‍ട്ടുകള്‍ നല്‍കി. ഈ നദികളുടെ തീരത്തുള്ളവര്‍ ജാഗ്രത പാലിക്കണമെന്ന് അധികൃതര്‍ നിര്‍ദേശിച്ചു. സംസ്ഥാനത്തു വരുന്ന 5 ദിവസം മഴ ശക്തമാകുമെന്നാണു കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്.
കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളില്‍ ഇന്നും കണ്ണൂര്‍, കാസര്‍കോട് ജില്ലകളില്‍ നാളെയും യെലോ അലര്‍ട്ട് പ്രഖ്യാപിച്ചു. യാതൊരു കാരണവശാലും നദികളില്‍ ഇറങ്ങാനോ നദി മുറിച്ചു കടക്കാനോ പാടില്ലെന്നു അധികൃതര്‍ നിര്‍ദേശിച്ചു.
ഓറഞ്ച് അലര്‍ട്ട്
പത്തനംതിട്ട: മണിമല (തോണ്ടറ (വള്ളംകുളം) സ്റ്റേഷന്‍) - ജലനിരപ്പ് താഴുന്നു
മഞ്ഞ അലര്‍ട്ട്
ആലപ്പുഴ: അച്ചന്‍കോവില്‍ (നാലുകെട്ടുകവല സ്റ്റേഷന്‍) - ജലനിരപ്പ് ഉയരുന്നു
പത്തനംതിട്ട: അച്ചന്‍കോവില്‍ (കല്ലേലി, കോന്നി ജിഡി ആന്‍ഡ് പന്തളം സ്റ്റേഷന്‍)- ജലനിരപ്പ് താഴുന്നു.
തൃശൂര്‍: കരുവന്നൂര്‍ (കരുവന്നൂര്‍ സ്റ്റേഷന്‍) - ജലനിരപ്പ് ഉയരുന്നു.