പരിയാരം ശ്രീ സ്ഥയില്‍ രണ്ട് മക്കളുമായി അമ്മ കിണറില്‍ ചാടി: ചികിത്സയിലായിരുന്ന ആണ്‍കുട്ടി മരിച്ചു
കണ്ണൂര്‍ : പരിയാരംശ്രീ സ്ഥയില്‍രണ്ട് മക്കളുമായി കിണറില്‍ ചാടി യുവതി ജീവനൊടുക്കാന്‍ ശ്രമിച്ച സംഭവത്തില്‍ ചികിത്സയിലായിരുന്ന ആണ്‍ കുട്ടി മരിച്ചു. ധനേഷ്-ധനജ ദമ്പതികളുടെ മകന്‍ ധ്യാന്‍ കൃഷ്ണ(6) യാണ് മരിച്ചത്.
ഞായറാഴ്ച്ചപുലര്‍ച്ചെ പരിയാരത്തെ കണ്ണൂര്‍ ഗവ.മെഡിക്കല്‍ കോളേജിലായിരുന്നു അന്ത്യം. കഴിഞ്ഞജൂലായ്-25 ന് ഉച്ചക്ക് 12 മണിയോടെയാണ് സംഭവം നടന്നത്. അമ്മ ധനജ രണ്ട് മക്കളുമായി കിണറിലേക്ക് ചാടുകയായിരുന്നു. മറ്റൊരു പെണ്‍കുട്ടി മെഡിക്കല്‍കോളേജില്‍ ചികിത്സയിലാണ്. സംഭവത്തില്‍ ഭര്‍തൃമാതാവ് ശ്യാമളയുടെ പേരില്‍ പരിയാരം പൊലീസ് കേസെടുത്തിരുന്നു.
മകന്റെ ഭാര്യയെന്ന പരിഗണന കൊടുക്കാതെ ഭര്‍ത്താവിനോടൊത്ത് സുഖിച്ചു ജീവിക്കാന്‍വിടില്ലെന്ന് ഭീഷണിപ്പെടുത്തി മാനസിക-ശാരീരിക പീഡനങ്ങള്‍ നടത്തിയതിനാണ് ഭര്‍തൃമാതാവിനെതിരെ കേസെടുത്തത്. സംഭവത്തില്‍ പരിയാരംപൊലിസ് ഗാര്‍ഹിക പീഡനത്തിന് കേസെടുത്ത് അന്വേഷണം നടത്തിവരികയാണ്' മൃതദേഹം പോസ്റ്റുമോര്‍ട്ടം നടപടികള്‍ക്കായി പരിയാരത്തെ കണ്ണൂര്‍ മെഡിക്കല്‍ കോളേജ് ആശുപത്രി മോര്‍ച്ചറിയിലേക്ക് മാറ്റി.