എടിഎം കൗണ്ടറില്‍ വെച്ച് 16 കാരിയ്ക്ക് നേരെ ലൈംഗികാതിക്രമം; 45 കാരന്‍ പിടിയില്‍
എടിഎം കൗണ്ടറില്‍ വെച്ച് 16 കാരിയ്ക്ക് നേരെ ലൈംഗികാതിക്രമം; 45 കാരന്‍ പിടിയില്‍
കൊല്ലം: എടിഎം കൗണ്ടറില്‍ വെച്ച് 16 കാരിയ്ക്ക് നേരെ ലൈംഗികാതിക്രമം നടത്തിയ 45 കാരന്‍ പിടിയില്‍. കൊല്ലം മയ്യനാട് സ്വദേശി അനിരുദ്ധനെയാണ് പള്ളിക്കല്‍ പൊലീസ് അറസ്റ്റ് ചെയ്തത്.കഴിഞ്ഞ ദിവസം രാവിലെ എട്ടുമണിയോടെയായിരുന്നു സംഭവം. തിരുവനന്തപുരം മടവൂര്‍ ജംഗ്ഷനില്‍ എടിഎമ്മില്‍ പണം എടുക്കാന്‍ എത്തിയതായിരുന്നു പെണ്‍കുട്ടി. ആദ്യ എടിഎമ്മില്‍ പണമില്ലാത്തതിനാല്‍ പ്രതി അനിരുദ്ധന്‍ പെണ്‍കുട്ടിയെ സമീപിച്ച് അടുത്ത എടിഎമ്മിലേക്ക് കൊണ്ടുപോയി. തൊട്ടടുത്ത എടിഎമ്മില്‍ പണം എടുക്കാന്‍ ശ്രമിക്കുന്നതിനിടെയായിരുന്നു അതിക്രമം. എടിഎം കൗണ്ടറില്‍ നിന്ന് ഓടി രക്ഷപ്പെട്ട പെണ്‍കുട്ടി അമ്മയോട് സംഭവം വിവരം അറിയിച്ചു. പള്ളിക്കല്‍ പൊലീസില്‍ പരാതി നല്‍കിയതിന്റെ അടിസ്ഥാനത്തില്‍ പൊലീസ് നടത്തിയ സിസിടിവി പരിശോധനയിലാണ് പ്രതിയെ തിരിച്ചറിഞ്ഞത്. അതിക്രമത്തിനുശേഷം ഒളിവില്‍ പോയ പ്രതിയെ ഇന്നലെ രാത്രിയോടെ പിടികൂടുകയായിരുന്നു. പോക്‌സോ വകുപ്പ് ഉള്‍പ്പടെ ചേര്‍ത്ത് അറസ്റ്റ് ചെയ്ത് അനുരുദ്ധനെ 14 ദിവസത്തേക്ക് കോടതി റിമാന്‍ഡ് ചെയ്തു.