വ്യക്തിഗത അവകാശങ്ങള്‍ സംരക്ഷിക്കണമെന്ന് ഐശ്വര്യ റായ്; ചിത്ര ദുരുപയോഗത്തിനെതിരെ നിയമ പോരാട്ടം
By : സ്വന്തം ലേഖകൻ
Update: 2025-09-09 07:39 GMT
മുംബൈ: തന്റെ ചിത്രങ്ങള്‍ ദുരുപയോഗം ചെയ്യുന്നുവെന്ന് ആരോപിച്ച് നിയമ നടപടിയുമായി നടി ഐശ്വര്യ റായ്. ഡല്‍ഹി ഹൈക്കോടതിയില്‍ ഹരജി നല്‍കി. പരസ്യങ്ങളില്‍ ചിത്രങ്ങള്‍ ഉപയോഗിക്കുന്നത് വിലക്കണമെന്നാണ് ഐശ്വര്യയുടെ ആവശ്യം.
വിശദമായി വാദം കേള്‍ക്കാന്‍ കേസ് ജനുവരിയിലേക്ക് മാറ്റി. ഇടക്കാല ഉത്തരവ് ഇറക്കാമെന്ന് കോടതി അറിയിച്ചു. ഉത്തരവ് ഉടന്‍ അപ്ലോഡ് ചെയ്യും. കേസ് വിശദമായി വാദം കേള്‍ക്കാന്‍ അടുത്ത വര്‍ഷം ജനുവരി 15 ലേക്ക് മാറ്റി.
വ്യക്തിഗത അവകാശങ്ങള്‍ സംരക്ഷിക്കണമെന്ന് ഐശ്വര്യ റായ് ആവശ്യപ്പെട്ടു. അനുവാദമില്ലാതെ ചിത്രങ്ങള്‍ പരസ്യങ്ങളില്‍ ഉപയോഗിക്കുന്നത് തടയണം. ചിത്രങ്ങളും ശബ്ദവും അടക്കം വാണിജ്യ ആവശ്യങ്ങള്‍ക്ക് അനുവാദമില്ലാതെ ഉപയോഗിക്കുന്നത് തടയണമെന്നും നടി ഹരജിയില്‍ വ്യക്തമാക്കുന്നു.