ടിക്കറ്റും രേഖകളും ആവശ്യപ്പെട്ടതിന് ട്രെയിനില്‍ നിന്നും എടുത്ത് ചാടി; കച്ചവടക്കാരന് ഗുരുതര പരിക്ക്

മലപ്പുറം: ട്രെയിനില്‍ നിന്നും എടുത്ത് ചാടിയതിനെ തുടര്‍ന്ന് ഗുരുതര പരിക്കേറ്റ കച്ചവടക്കാരന്‍ ആശുപത്രിയില്‍. ട്രെയിന്‍ ടിക്കറ്റും രേഖകളും ആവശ്യപ്പെട്ടതിനെതുടര്‍ന്ന് ശീതളപാനീയ കച്ചവടക്കാരനായ മലപ്പുറം സ്വദേശിയാണ് ട്രെയിനില്‍ നിന്നും ചാടിയത്. ഇന്നലെ രാത്രി ഒമ്പതിന് എക്‌സിക്യൂട്ടീവ് എക്‌സ്പ്രസ് ട്രെയിന്‍ മലപ്പുറം താനൂരില്‍ എത്തിയപ്പോഴാണ് ഓടുന്ന ട്രെയിനില്‍ നിന്ന് യുവാവ് ചാടിയത്.

താനൂര്‍ പാണ്ടിമുറ്റം സ്വദേശി അഷ്‌ക്കര്‍ ആണ് ട്രെയിനില്‍ നിന്ന് ചാടിയത്. ഗുരുതരമായി പരിക്കേറ്റ അഷ്‌ക്കറിനെ കോഴിക്കോട് മെഡിക്കല്‍ കോളേജില്‍ പ്രവേശിപ്പിച്ചു. ശീതള പാനീയങ്ങള്‍ വില്‍ക്കുന്നതിനിടെ ടിടിഇ ടിക്കറ്റടക്കമുള്ള രേഖകള്‍ ആവശ്യപ്പെടുകയായിരുന്നു. തുടര്‍ന്ന് നടപടി എടുക്കുമെന്ന് അറിയിച്ച് ടി.ടി.ഇ പിന്തുടര്‍ന്നപ്പോള്‍ അഷ്‌റഫ് പുറത്തേക്ക് ചാടുകയായിരുന്നു.