എംഡിഎംഎയുമായി കാപ്പ പ്രതിയടക്കം നാലു പേര്‍ പിടിയില്‍
By : സ്വന്തം ലേഖകൻ
Update: 2025-10-06 13:16 GMT
മലപ്പുറം: മലപ്പുറം കൊണ്ടോട്ടി അരൂരില്‍ എംഡിഎംഎയുമായി കാപ്പ പ്രതിയടക്കം നാലു പേര്‍ പൊലീസ് പിടിയില്‍. അരൂര്‍ സ്വദേശി ഷഫീഖ്, വാഴക്കാട് സ്വദേശി നൗഷാദ്, കൊട്ടപ്പുറം സ്വദേശി ഷാക്കിര്‍, ഇല്ലത്തുപടി സ്വദേശി റഷാദ് മുഹമ്മദ് എന്നിവരെയാണ് കൊണ്ടോട്ടി പൊലീസ് പിടികൂടിയത്. ഇവരില്‍ നിന്ന് 153 ഗ്രാം എംഡിഎംഎയും അരലക്ഷം രൂപയും ഇലക്ട്രോണിക് ത്രാസുകളും രണ്ട് കാറുകളും പിടിച്ചെടുത്തു. നിരവധി കേസുകളില്‍ പ്രതിയായ ഷെഫീഖും ഭാര്യയും എംഡിഎംഎ കടത്തുന്നതിനിടയില്‍ എക്‌സൈസ് ഉദ്യോഗസ്ഥരെ വാഹനം ഇടിച്ചു തെറിപ്പിച്ച കേസില്‍ പ്രതികളായിരുന്നു. വയനാട്ടില്‍ മൂന്നരക്കോടി രൂപ തട്ടിയ കേസിലും പരപ്പനങ്ങാടിയില്‍ ലഹരി കേസും കൊണ്ടോട്ടിയില്‍ കളവ് കേസും ഇയാള്‍ക്കെതിരെയുണ്ട്. ഒരു വര്‍ഷം കാപ്പ പ്രകാരം ജയിലില്‍ കിടന്ന ഷെഫീഖ് അടുത്തിടെയാണ് ജാമ്യത്തിലിറങ്ങിയത്.