തദ്ദേശസ്വയംഭരണ പൊതുതിരഞ്ഞെടുപ്പിന്റെ മുന്നൊരുക്കം; സംസ്ഥാന തിരഞ്ഞെടുപ്പ് കമ്മീഷണര്‍ പോലീസ് മേധാവിയുമായി ചര്‍ച്ച നടത്തി
By : സ്വന്തം ലേഖകൻ
Update: 2025-10-06 13:17 GMT
തിരുവനന്തപുരം: തദ്ദേശസ്വയംഭരണ പൊതുതിരഞ്ഞെടുപ്പിന്റെ മുന്നൊരുക്ക പ്രവര്‍ത്തനങ്ങള്‍ വിലയിരുത്തുന്നതിനായി സംസ്ഥാന തിരഞ്ഞെടുപ്പ് കമ്മീഷണര്‍ എ.ഷാജഹാന്‍ സംസ്ഥാന പോലീസ് മേധാവി റവാഡ എ ചന്ദ്രശേഖറുമായി ചര്‍ച്ച നടത്തി.
തിരഞ്ഞെടുപ്പിനോടനുബന്ധിച്ചുളള ക്രമസമാധാനപാലന നടപടികള്‍, പോലീസ് വിന്യാസം തുടങ്ങിയ കാര്യങ്ങള്‍ ഇരുവരും ചര്‍ച്ച ചെയ്തു. തിരഞ്ഞെടുപ്പ് കമ്മീഷന്‍ ആസ്ഥാനത്ത് നടന്ന യോഗത്തില്‍ എഡിജിപി എസ്.ശ്രീജിത്ത്, എഐജിമാരായ മെറിന്‍ ജോസഫ്, ജി.പൂങ്കുഴലി, തിരഞ്ഞെടുപ്പ് കമ്മീഷന്‍ സെക്രട്ടറി ബി.എസ്.പ്രകാശ്, മറ്റുന്നത ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.