ഉണ്ണികൃഷ്ണന്‍ പോറ്റിയുമായി ബോര്‍ഡിന് ബന്ധമില്ല; സര്‍ക്കാരും ദേവസ്വം ബോര്‍ഡും ആവശ്യപ്പെട്ട പ്രകാരമാണ് ഹൈക്കോടതി പ്രത്യേക അന്വേഷണ സമിതിയെ നിയോഗിച്ചത്; രേഖകള്‍ കൈമാറുമെന്ന് പ്രശാന്ത്
തിരുവനന്തപുരം: പ്രവര്‍ത്തനങ്ങളുടെ എല്ലാവിധ രേഖകളും കൈയ്യിലുണ്ടെന്നും പുതിയ അന്വേഷണ സമിതിക്ക് അവ സമര്‍പ്പിക്കുമെന്നും ദേവസ്വം ബോര്‍ഡ് പ്രസിഡന്റ് പി എസ് പ്രശാന്ത്. ഉണ്ണികൃഷ്ണന്‍ പോറ്റിയുമായി ബോര്‍ഡിന് ബന്ധമില്ല. സര്‍ക്കാരും ദേവസ്വം ബോര്‍ഡും ആവശ്യപ്പെട്ട പ്രകാരമാണ് ഹൈക്കോടതി പ്രത്യേക അന്വേഷണ സമിതിയെ നിയോഗിച്ചത്. ദേവസ്വം വിജിലന്‍സ് എസ്പി പത്താം തീയതിയോടെ റിപ്പോര്‍ട്ട് സമര്‍പ്പിക്കുമെന്നാണ് അറിയുന്നത്. തുടര്‍ന്ന് പുതിയ ടീം അന്വേഷണം ഏറ്റെടുക്കും. കുറ്റക്കാര്‍ക്കെതിരെ കര്‍ശന നടപടിയെടുക്കട്ടെ. കൂടുതല്‍ ഉദ്യോഗസ്ഥര്‍, വിരമിച്ചവര്‍ എന്നിവരൊക്കെ ഇതിലുള്‍പ്പെട്ടിട്ടുണ്ടോ എന്ന് പരിശോധിച്ച് നടപടിയെടുക്കും. തന്ത്രിമാരും ബോര്‍ഡുമായി നല്ല ബന്ധത്തിലാണ് പോകുന്നത്. നടക്കുന്ന പ്രവര്‍ത്തനങ്ങള്‍ റെക്കോഡിക്കലായി ബോര്‍ഡിന്റെ കൈയ്യിലുണ്ട്. അത് അന്വേഷണ സമിതിക്ക് കൈമാറും. മുന്‍പ് എസ്പിക്ക് വിവരങ്ങള്‍ നല്‍കിയിരുന്നു. അതിനാല്‍ തന്നെ ആത്മവിശ്വാസത്തിലാണ് ബോര്‍ഡുള്ളത്-പി എസ് പ്രശാന്ത് പറഞ്ഞു