മാനസിക വെല്ലുവിളി നേരിടുന്ന പെണ്‍കുട്ടിയെ വിവാഹവാഗ്ദാനം നല്‍കി പീഡിപ്പിച്ചു; ഒളിവില്‍ പോയ 37കാരന്‍ അറസ്റ്റില്‍: പ്രതി വീട്ടില്‍ കയറിയത് ആരും ഇല്ലാത്ത തക്കം നോക്കി
21കാരിയെ ബലാത്സംഗം ചെയ്ത യുവാവ് അറസ്റ്റില്‍
പത്തനംതിട്ട: മാനസിക വെല്ലുവിളി നേരിടുന്ന 21കാരിയെ വാട്ടില്‍ കയറി ബലാത്സംഗം ചെയ്ത 37കാരന്‍ അറസ്റ്റില്‍. മല്ലപ്പള്ളി ആനിക്കാട് മണിയംകുളത്ത് വീട്ടില്‍ സുബിന്‍ സുകുമാരനെയാണ് കീഴ്വായ്പൂര്‍ പൊലീസ് പിടികൂടിയത്. വീട്ടില്‍ മറ്റാരും ഇല്ലാത്ത സമയം നോക്കി പെണ്‍കുട്ടിയുടെ വീട്ടിലെത്തിയ പ്രതി പെണ്‍കുട്ടിയെ വിവാഹവാഗ്ദാനം നല്‍കി ലൈംഗികമായി പീഡിപ്പിക്കുകയായിരുന്നു.
വീട്ടുകാര്‍ വന്നപ്പോള്‍ പെണ്‍കുട്ടി സംഭവം വീട്ടുകാരെ അറിയിക്കുക ആയിരുന്നു. യുവതിയുടെ മൊഴി പ്രകാരമാണ് പൊലീസ് കേസ് രജിസ്റ്റര്‍ ചെയ്തത്. പൊലീസ് സുബിനെ അന്വേഷിക്കവേ, ഇയാള്‍ ഒളിവില്‍ പോയി. ഒടുവില്‍ മല്ലപ്പള്ളി പാലത്തിന് സമീപത്ത് നിന്നാണ് കീഴ്വായ്പൂര്‍ ഇന്‍സ്പെക്ടര്‍ രാജേഷ് കുമാറിന്റെ നേതൃത്വത്തിലുള്ള പൊലീസ് സംഘം യുവാവിനെ പിടികൂടിയത്.
എ.എസ്.എ അന്‍സീം, സീനിയര്‍ പൊലീസ് ഓഫീസര്‍ ദീപു, സിവില്‍ പൊലീസ് ഓഫീസര്‍മാരായ വിഷ്ണു, വിഷ്ണു ദേവ്, അഖില്‍, സന്തോഷ്, അരുണ്‍ രാജ് എന്നിവരും അന്വേഷണ സംഘത്തിലുണ്ടായിരുന്നു.