ഗുരുവായൂര്‍ ഏകാദശി തിങ്കളാഴ്ച ആഘോഷിക്കും; ഒരുക്കങ്ങള്‍ പൂര്‍ത്തിയായി

ഗുരുവായൂര്‍ ഏകാദശി തിങ്കളാഴ്ച ആഘോഷിക്കും; ഒരുക്കങ്ങള്‍ പൂര്‍ത്തിയായി

Update: 2025-11-29 04:33 GMT

ഗുരുവായൂര്‍: ഗുരുവായൂര്‍ ഏകാദശി തിങ്കളാഴ്ച ദേവസ്വംവക ഉദയാസ്തമയ പൂജയോടെ സമുചിതമായി ആഘോഷിക്കാനുള്ള ഒരുക്കം പൂര്‍ത്തിയായതായി ദേവസ്വം ചെയര്‍മാന്‍ ഡോ. വി.കെ.വിജയന്‍, അഡ്മിനിസ്ട്രേറ്റര്‍ ഒ.ബി.അരുണ്‍കുമാര്‍ എന്നിവര്‍ അറിയിച്ചു. ഏകാദശി ദിവസം ഉദയാസ്തമയ പൂജ മാറ്റിവയ്ക്കുന്നത് ദേവന് ഹിതമാണെന്ന് ദേവപ്രശ്നത്തില്‍ തെളിഞ്ഞിട്ടുള്ളതായി ക്ഷേത്രം തന്ത്രി രേഖാമൂലം ദേവസ്വം ഭരണസമിതിയെ അറിയിച്ചിട്ടുണ്ടെങ്കിലും സുപ്രീംകോടതി നിര്‍ദ്ദേശമുള്ളതിനാല്‍ ഉദയാസ്തമയ പൂജ നടത്താന്‍ ദേവസ്വം ഭരണസമിതി തീരുമാനിച്ചു.

ഏകാദശി നാളില്‍ പൊതുവരിയില്‍ നില്‍ക്കുന്ന ഭക്തര്‍ക്ക് ദര്‍ശനത്തിന് ഇത്തവണയും പ്രഥമപരിഗണന നല്‍കും. രാവിലെ 5 മുതല്‍ വൈകിട്ട് 5വരെ സ്പെഷ്യല്‍ ദര്‍ശനം അനുവദിക്കില്ല. ക്ഷേത്രമതിലകത്ത് പ്രദക്ഷിണം, അടി പ്രദക്ഷിണം, ശയന പ്രദക്ഷിണം, ചോറൂണ്‍ കഴിഞ്ഞ കുട്ടികള്‍ക്കുള്ള പ്രത്യേക ദര്‍ശനം എന്നിവ ഉണ്ടാകില്ല. പ്രാദേശികം, സീനിയര്‍ സിറ്റിസണ്‍ എന്നിവരുടെ ദര്‍ശനം പുലര്‍ച്ചെ 3.30ന് തുടങ്ങി 4.30ന് അവസാനിക്കും.


Tags:    

Similar News