തദ്ദേശ തെരഞ്ഞെടുപ്പില് യുഡിഎഫിനായി ജയിച്ച വിദ്യാര്ഥിനിക്ക് വരവേല്പ്പ്; 'പോറ്റിയെ കേറ്റിയെ' ഗാനത്തിന്റെ പേരില് തര്ക്കം; കാര്യവട്ടം ക്യാമ്പസില് എസ്എഫ്ഐ- കെഎസ്യു സംഘര്ഷം
By : സ്വന്തം ലേഖകൻ
Update: 2025-12-17 15:00 GMT
തിരുവനന്തപുരം: യുഡിഎഫിനായി മത്സരിച്ച് ജയിച്ച വിദ്യാര്ഥിനിയെ വരവേല്ക്കാന് ഒരുക്കിയ സ്വീകരണച്ചടങ്ങില് 'പോറ്റിയെ കേറ്റിയെ' എന്ന പാരഡി പാട്ട് വച്ചതിന്റെ പേരില് എസ്എഫ്ഐ- കെഎസ്യു സംഘര്ഷം. തിരുവനന്തപുരം കാര്യവട്ടം ക്യാമ്പസിലാണ് ഇരു പാര്ട്ടി പ്രവര്ത്തകരും തമ്മില് സംഘര്ഷമുണ്ടായത്. ക്യാമ്പസിലെ വിദ്യാര്ത്ഥിനിയായ അമൃതപ്രിയ തദ്ദേശ തെരഞ്ഞെടുപ്പില് യുഡിഎഫ് സ്ഥാനാര്ത്ഥിയായി മത്സരിച്ച് വിജയിച്ചിരുന്നു. അമൃതപ്രിയയ്ക്ക് സ്വീകരണം നല്കാന് കെഎസ്യു സംഘടിപ്പിച്ച പരിപാടിക്കിടെയായിരുന്നു സംഘര്ഷം. പാരഡി പാട്ട് വച്ചപ്പോള് എസ്എഫ്ഐ പ്രവര്ത്തകര് പ്രകോപിതരായി മര്ദിക്കുകയായിരുന്നുവെന്ന് കെഎസ്യു പറഞ്ഞു.