കുവൈറ്റിൽ പ്രവാസി മലയാളി നഴ്സ് നിര്യാതയായി; മരിച്ചത് എറണാകുളം മുളന്തുരുത്തി സ്വദേശി വൽസ ജോസ്; വേദനയോടെ കുടുംബം
കുവൈത്ത് സിറ്റി: കുവൈത്തിൽ മലയാളി നഴ്സ് നിര്യാതയായി. എറണാകുളം മുളന്തുരുത്തി വെട്ടിക്കൽ സ്വദേശിനിയായ വൽസ ജോസാണ് അന്ത്യശ്വാസം വലിച്ചത്. കുവൈത്ത് സബാഹ് മെറ്റേണിറ്റി ആശുപത്രിയിൽ സ്റ്റാഫ് നഴ്സായി സേവനമനുഷ്ഠിച്ചു വരികയായിരുന്നു അവർ.
പരേതനായ പൈലി ആതുർക്കുഴിയിൽ പാമ്പാറയുടെ മകളും ഇരിങ്ങോൾ കുറുപ്പംപടി ജോസിന്റെ ഭാര്യയുമാണ് വൽസ ജോസ്. അവരുടെ ആകസ്മിക വിയോഗം പ്രവാസി മലയാളികൾക്കിടയിൽ, പ്രത്യേകിച്ച് കുവൈത്തിലുള്ള സഹപ്രവർത്തകർക്കിടയിൽ വലിയ വേദനയുളവാക്കിയിട്ടുണ്ട്.
കുവൈത്തിലെ മലയാളി സമൂഹത്തിന് ഒരു വിശ്വസ്തയായ ആരോഗ്യ പ്രവർത്തകയെയാണ് ഈ വിയോഗത്തിലൂടെ നഷ്ടപ്പെട്ടിരിക്കുന്നത്. നിരവധി പേർക്ക് സഹായഹസ്തം നീട്ടി അവർ സ്തുത്യർഹമായ സേവനം അനുഷ്ഠിച്ചിട്ടുണ്ട്. സംസ്കാര ചടങ്ങുകൾ പിന്നീട് കേരളത്തിലെ എറണാകുളം ജില്ലയിലുള്ള കുറുപ്പംപടി സെന്റ് മേരീസ് കത്തീഡ്രൽ പള്ളിയിൽ വെച്ച് നടക്കും.