കുട്ടനാട്ടിലെ രണ്ട് പഞ്ചായത്തുകളിലെ സ്‌കൂളുകള്‍ക്ക് ഇന്ന് അവധി; പത്തനംതിട്ടയില്‍ ആറ് സ്‌കൂളുകള്‍ക്കും; മുന്‍ നിശ്ചയിച്ച പരീക്ഷകള്‍ക്ക് മാറ്റമില്ല
ആലപ്പുഴ: ശക്തമായ മഴയെ തുടര്‍ന്നുണ്ടായ വെള്ളപ്പൊക്കം മൂലം കുട്ടനാട് താലൂക്കിലെ തലവടി, മുട്ടാര്‍ ഗ്രാമപഞ്ചായത്തുകളിലെ എല്ലാ സ്‌കൂളുകള്‍ക്കും അങ്കണവാടികള്‍ക്കും ഇന്ന് ജില്ലാ കലക്ടര്‍ അവധി പ്രഖ്യാപിച്ചു. വിദ്യാഭ്യാസ സ്ഥാപനങ്ങള്‍ ജലത്തില്‍ താഴ്ന്നതിനാലും രക്ഷിതാക്കള്‍ക്കും വിദ്യാര്‍ത്ഥികള്‍ക്കും യാത്രാസൗകര്യമില്ലായ്മയും മുന്‍കൂട്ടി കണക്കിലെടുത്താണ് തീരുമാനം. കളക്ടറുടെ തീരുമാനം. ഈ രണ്ട് പഞ്ചായത്തുകളിലെ മുന്‍നിശ്ചയിച്ച പരീക്ഷകള്‍ അതത് സ്‌കൂള്‍ തലത്തില്‍ തന്നെ യഥാസമയം നടത്തപ്പെടുമെന്നു കലക്ടര്‍ അറിയിച്ചു.
അതേസമയം, പത്തനംതിട്ട ജില്ലയില്‍ ദുരിതാശ്വാസ ക്യാംപുകളായി പ്രവര്‍ത്തിക്കുന്ന ആറ് സ്‌കൂളുകള്‍ക്ക് അവധി പ്രഖ്യാപിച്ചിട്ടുണ്ട്. കൂടാതെ, സുരക്ഷാ സാഹചര്യങ്ങള്‍ വിലയിരുത്തി 15 സ്‌കൂളുകള്‍ക്കും അധികമായി അവധി നല്‍കിയതായി കലക്ടര്‍ വ്യക്തമാക്കി. ശൈത്യകാല മഴയുടെ പശ്ചാത്തലത്തില്‍ ജില്ലയില്‍ വെള്ളപ്പൊക്ക സാഹചര്യം രൂക്ഷമാകുന്ന സാഹചര്യത്തിലാണ് അധികൃതരുടെ ജാഗ്രതാ നടപടി.