ശബരിമല തീര്‍ത്ഥാടകര്‍ സഞ്ചരിച്ച ബസ് നിയന്ത്രണം തെറ്റി മറിഞ്ഞു; അ‍ഞ്ച് തീര്‍ത്ഥാടകര്‍ക്ക് പരിക്ക്; സംഭവം എരുമേലിയിൽ

പത്തനംതിട്ട: ശബരിമല തീര്‍ത്ഥാടകര്‍ സഞ്ചരിച്ച മിനി ബസ് മറിഞ്ഞ് അപകടം. സംഭവത്തിൽ അ‍ഞ്ച് തീര്‍ത്ഥാടകര്‍ക്ക് പരിക്ക്.എരുമേലി കണമല അട്ടിവളവിൽ ഇന്ന് രാത്രിയോടെയാണ് അപകടം നടന്നത്.

എരുമേലിയിൽ നിന്ന് പമ്പയിലേക്ക് പോയ തമിഴ്നാട് നാമക്കൽ സ്വദേശികളാണ് അപകടത്തിൽപെട്ടതെന്നാണ് ലഭിക്കുന്ന വിവരങ്ങൾ.

ബസ് നിയന്ത്രണം വിട്ട് മറിയുകയായിരുന്നു. ബസിലുണ്ടായിരുന്ന അഞ്ച് തീർത്ഥാടകർക്കാണ് പരിക്ക് പറ്റിയത്. പരുക്കേറ്റവരെ എരുമേലിയിലെ ആശുപത്രിയിലേക്ക് മാറ്റിയിട്ടുണ്ട്. അരുടെയും പരിക്ക് ഗുരുതരമല്ലെന്നാണ് പോലീസ് നൽകുന്ന വിവരങ്ങൾ. നാട്ടുകാരും രക്ഷാപ്രവർത്തനത്തിൽ ഏർപ്പെട്ടു.