കണ്ണൂര്‍ മെഡിക്കല്‍ കോളേജാശുപത്രിയിലെ ശുചിമുറിയില്‍ അണലി; ഭീതിയോടെ രോഗികള്‍
കണ്ണൂര്‍ മെഡിക്കല്‍ കോളേജാശുപത്രിയിലെ ശുചിമുറിയില്‍ അണലി; ഭീതിയോടെ രോഗികള്‍
തളിപ്പറമ്പ്: പരിയാരത്തെകണ്ണൂര്‍ ഗവ.മെഡിക്കല്‍ കോളേജില്‍ വീണ്ടും വിഷപ്പാമ്പ്. 503-ാം നമ്പര്‍ സ്പെഷ്യല്‍ വാര്‍ഡിലെ ശുചിമുറിയിലാണ് ഇന്ന് രാവിലെ അണലി പാമ്പിനെ കണ്ടത്. ഒരു രോഗി രാവിലെ പ്രാഥമിക കര്‍മ്മങ്ങള്‍ക്കായി മുറി തുറന്നപ്പോഴാണ് വലിയഅണലിയെ കണ്ടത്. രോഗിയോടൊപ്പമുള്ള കൂട്ടിരിപ്പുകാര്‍ ഉടന്‍ തന്നെ പാമ്പിന തല്ലിക്കൊന്നതിനാല്‍ അപകടംഒഴിവായി.
സപ്തംബര്‍ 19 ന് രാത്രിയില്‍ നവജാതശിശുക്കളുടെ ഐ.സി.യുവില്‍ നിന്നും പുറത്തേക്ക് വന്ന വെള്ളിക്കെട്ടനെ രോഗികളുടെ കൂട്ടിരിപ്പുകാര്‍ തല്ലിക്കാന്നിരുന്നു. കാര്‍ഡിയോളജി വിഭാഗത്തില്‍ കണ്ടെത്തിയ കാട്ടുപാമ്പിനെ പിടികൂടുകയും ചെയ്തിരുന്നു. ആശുപത്രിക്കുചുറ്റും പടര്‍ന്നുകിടക്കുന്ന കാട്ടുവള്ളികളിലൂടെയാണ് പാമ്പുകള്‍ അകത്തേക്ക് കയറുന്നതെന്നാണ് രോഗികളുടെ പരാതി.
മെഡിക്കല്‍ കോളേജിനകത്ത് ഫയര്‍ ആന്റ് സേഫ്റ്റി പ്രവര്‍ത്തനങ്ങളുടെ ഭാഗമായി പൈപ്പുകള്‍ ഘടിപ്പിക്കുന്ന ജോലി ഇപ്പോള്‍ നടന്നുവരികയാണ്.
മാസങ്ങളായി പുറത്ത് കൂട്ടിയിട്ട പൈപ്പുകളില്‍ കയറിക്കൂടുന്ന പാമ്പുകളാണ് ഭീഷണിയായിരിക്കുന്നതെന്നാണ് രോഗികളും ജീവനക്കാരും ഇപ്പോള്‍ പറയുന്നത് മെഡിക്കല്‍ കോളേജിലെത്തുന്ന രോഗികള്‍ക്കും കൂട്ടിരിപ്പുകാര്‍ക്കും നേരത്തെ പാമ്പുകടിയേല്‍ക്കുന്നത് പതിവാണെങ്കിലും വിഷരഹിതമായ പാമ്പുകളായതിനാല്‍ ആരും അത്ര ഗൗരവത്തിലെടുത്തിരുന്നില്ല എന്നാല്‍ മുന്നാഴ്ച്ച മുന്‍പ് മൂന്നാം നിലയിലെ കുട്ടികളുടെ വാര്‍ഡിനരികെ പാമ്പിനെ കണ്ടെത്തിയതോടെയാണ് സംഭവം ഗൗരവകരമായത്.
ഇതിന്റെ ദൃശ്യം മാധ്യമങ്ങളില്‍ പ്രചരിപ്പിച്ചിരുന്നുവെങ്കിലും അധികൃതര്‍ പേരിന് മാത്രം നടപടി സ്വീകരിച്ച് അന്വേഷണം മതിയാക്കുകയായിരുന്നു.