രണ്ടാം നിലയിൽ 'അയ്യോ' എന്ന് നിലവിളി; പിന്നാലെ ആ കാഴ്ച കണ്ട് താഴെ നിന്ന തൊഴിലാളി ശരിക്കും പതറി; കാൽ വഴുതിയുള്ള വീഴ്ചയിൽ കരാറുകാരൻ അത്ഭുതകരമായി രക്ഷപ്പെട്ടത് ഇങ്ങനെ!

കൊല്ലം: വീട് പണി നടക്കുന്നതിനിടെ രണ്ടാം നിലയിൽ നിന്ന് വീണ തൊഴിലാളി അത്ഭുതകരമായി രക്ഷപ്പെട്ടു. പുനലൂരിലാണ് സംഭവം നടന്നത്. കാൽ വഴുതി താഴേക്ക് വീണ പ്ലാച്ചേരി സ്വദേശിയായ ശങ്കറിനെ കരാറുകാരനായ ഗണേശൻ രക്ഷപ്പെടുത്തുകയായിരുന്നു. ഇന്നലെയായിരുന്നു സംഭവം നടന്നത്.

നിർമ്മാണ ജോലിയുടെ ഭാഗമായി തട്ടിളക്കുന്നതിനിടെ ശങ്കർ നിയന്ത്രണം വിട്ട് താഴേക്ക് വീഴുകയായിരുന്നു. അപകടം കണ്ടു നിന്ന ഗണേശൻ്റ സമയോചിത ഇടപെടലാണ് രക്ഷയായത്. ശങ്കറിൻ്റെ കാലിന് നിസാര പരിക്കേറ്റു. അപകടത്തിന് ശേഷവും ജോലി പൂർത്തിയാക്കിയാണ് ശങ്കർ ഒടുവിൽ വീട്ടിൽ മടങ്ങിയത്.