ആവശ്യമില്ലാതെ വിമാനം പറപ്പിച്ചു; മൂന്ന് ടേക്ക് ഓഫും മൂന്ന് ലാൻഡിങ്ങും നടത്തി; കണ്ടെത്തിയത് ഗുരുതര വീഴ്ച; കാരണം കാണിക്കല്‍ നോട്ടീസിലും കൃത്യമായ മറുപടി ഇല്ല; മാര്‍ഗനിര്‍ദേശങ്ങൾ എല്ലാം കാറ്റിൽപറത്തി; കടുത്ത നടപടിയുമായി ഡിജിസിഎ; പിഴയായി 'എയര്‍ ഇന്ത്യ' ലക്ഷങ്ങള്‍ നല്‍കേണ്ടി വരും!
ഡല്‍ഹി: രാജ്യത്തെ വമ്പൻ വിമാനക്കമ്പനിയായ 'എയര്‍ ഇന്ത്യ'യ്ക്ക് പണികിട്ടി. പിന്നാലെ കമ്പനിക്ക് ലക്ഷങ്ങളുടെ നഷ്ടമാണ് ഉണ്ടാകാൻ പോകുന്നത്. ആവശ്യമില്ലാതെ ആകാശത്ത് വിമാനം പറപ്പിച്ചതിനാണ് ഇപ്പോൾ കടുത്ത നടപടി ഉണ്ടായിരിക്കുന്നത്.'ഡിജിസിഎ' യാണ് എയര്‍ ഇന്ത്യയ്ക്ക് കാരണം കാണിക്കൽ നോട്ടീസ് അടക്കം അയച്ചിരിക്കുന്നത്. കൃത്യമായ മാർഗനിർദ്ദേശങ്ങൾ പാലിക്കാതാണ് ഇതിന് കാരണം.
'ടാറ്റ ഗ്രൂപ്പി'ന്റെ ഉടമസ്ഥതയിലുള്ള വിമാനക്കമ്പനിയായ 'എയര്‍ ഇന്ത്യ'യ്ക്കാണ് ഡിജിസിഎ പിഴ ചുമത്തിയിരിക്കുന്നത്. എയര്‍ ഇന്ത്യ ഡിജിസിഎയുടെ മാര്‍ഗനിര്‍ദേശങ്ങള്‍ പാലിക്കുന്നതില്‍ വീഴ്ച വരുത്തിയെന്ന് കണ്ടെത്തിയതിനെ തുടര്‍ന്നാണ് 30 ലക്ഷം രൂപ പിഴയായി ഇപ്പോൾ ചുമത്തിയിരിക്കുന്നത്. വിമാനക്കമ്പനിയുടെ ഓപ്പറേഷന്‍സ് മേധാവിക്കും റോസ്റ്ററിംഗ് മേധാവിക്കും മറ്റ് ഉന്നത ഉദ്യോഗസ്ഥര്‍ക്കും കാരണം കാണിക്കല്‍ നോട്ടീസ് അയച്ചിരുന്നു. ഇതിന് എയര്‍ ഇന്ത്യ തൃപ്തികരമായ മറുപടി നല്‍കാത്തതിനെ തുടര്‍ന്നാണ് ഡിജിസിഎ നടപടി ഇപ്പോൾ സ്വീകരിച്ചിരിക്കുന്നത്.
കഴിഞ്ഞ മാസം 29ന് എയര്‍ ഇന്ത്യയുടെ ഭാഗത്ത് നിന്ന് ഉണ്ടായ ചില നടപടികളാണ് പിഴ ചുമത്തുന്നതിലേക്ക് നയിച്ചത്. ആവശ്യകതകള്‍ ഇല്ലാതിരുന്നിട്ടുപോലും എയര്‍ ഇന്ത്യ ഒരു ഫ്‌ളൈറ്റ് പ്രവര്‍ത്തിപ്പിച്ചു, 3 ടേക്ക് ഓഫും ലാന്‍ഡിംഗും നടത്തിയിട്ടുണ്ടെന്നും ഇത് സിവില്‍ ഏവിയേഷന്‍ മാര്‍ഗ നിര്‍ദേശങ്ങളുടെ ലംഘനമാണെന്നും ഡിജിസിഎ ഉത്തരവില്‍ വ്യക്തമാക്കുന്നു. കൂടാതെ, സിഎഇ വിന്‍ഡോയില്‍ പ്രതിഫലിക്കുന്ന ഒന്നിലധികം വ്യാജ അലേര്‍ട്ടുകള്‍ കണ്‍ട്രോളര്‍മാര്‍ അവഗണിച്ചുവെന്ന് സിവില്‍ ഏവിയേഷന്‍ ഡയറക്ടറേറ്റ് ജനറല്‍ ഉത്തരവില്‍ കൂട്ടിച്ചേർത്തു.
എയര്‍ക്രാഫ്റ്റ് റൂള്‍സ്, 1937 ലെ റൂള്‍ 162 പ്രകാരം നല്‍കിയിരിക്കുന്ന അധികാരങ്ങള്‍ ഉപയോഗിച്ചാണ് 30 ലക്ഷം രൂപ പിഴ ചുമത്തിയിരിക്കുന്നത്. എയര്‍ ഇന്ത്യക്ക് ഇതിനു മുന്‍പും സിവില്‍ വ്യോമയാന ഡയറക്ടറേറ്റ് പിഴ ചുമത്തുകയും ചെയ്തിട്ടുണ്ട്. പൈലറ്റുമാരെ ജോലിക്ക് നിയോഗിക്കുന്നതില്‍ വരുത്തിയ വീഴ്ചയ്ക്കായിരുന്നു പിഴ.
പരിശീലനകനില്ലാതെ ട്രെയിനി പൈലറ്റ് യാത്രാ വിമാനം പറത്തിയ സംഭവത്തിലാണ് 99 ലക്ഷം രൂപയുടെ പിഴ ചുമത്തിയത് മുംബൈയിൽ നിന്ന് റിയാദിലേക്കുള്ള വിമാനമാണ് ഇത്തരത്തില്‍ പരിശീലകനില്ലാതെ ട്രെയിനി പൈലറ്റും മറ്റൊരു പൈലറ്റും ചേര്‍ന്ന് പറത്തിയിരിക്കുന്നതായി കണ്ടെത്തിയിരിക്കുന്നത്.