'കഴുത്ത് പിടിച്ച് ഞെരിച്ചു, റോഡിലിട്ട് ചവിട്ടി', സിദ്ധാര്ഥ് ഒരു കലാകാരനാണ്; സിദ്ധാര്ത്ഥ് പ്രഭുവിന് പിന്തുണയുമായി ജിഷിന് മോഹന്; 'അവനെ എനിക്കറിയാം, കൂടെയുണ്ടാകും' എന്നും ജിഷിന്
കൊച്ചി: മിനിസ്ക്രീന് പ്രേക്ഷകരുടെ പ്രിയതാരമായ സിദ്ധാര്ത്ഥ് പ്രഭുവിനെതിരെ ഉയര്ന്ന ആരോപണങ്ങളുടെ പശ്ചാത്തലത്തില്, താരത്തിന് പിന്തുണയുമായി നടന് ജിഷിന് മോഹന് രംഗത്ത്. സോഷ്യല് മീഡിയയിലൂടെയാണ് ജിഷിന് തന്റെ നിലപാട് വ്യക്തമാക്കിയത്.
സിദ്ധാര്ത്ഥിനെ പിടികൂടിയ നാട്ടുകാര് താരത്തോട് പെരുമാറിയ രീതിയെയും ജിഷിന് മോഹന് വിമര്ശിച്ചു. സിദ്ധാര്ത്ഥിന്റെ ഭാഗത്തുനിന്നുണ്ടായ തെറ്റിനെ ന്യായീകരിക്കുന്നില്ലെങ്കിലും നാട്ടുകാര് അയാളെ ക്രൂരമായി കൈകാര്യം ചെയ്തത് അംഗീകരിക്കാനാവില്ലെന്ന് ജിഷിന് പറഞ്ഞു. സിദ്ധാര്ത്ഥിനെ നാട്ടുകാര് കഴുത്ത് ഞെരിക്കുകയും കൈകാലുകള് കെട്ടിയിടുകയും ചെയ്തത് ക്രിമിനല് നടപടിയാണെന്നും ഇതിനാണോ നമ്മള് പ്രബുദ്ധ കേരളമെന്ന് പറയുന്നതെന്നും ജിഷിന് ഇന്സ്റ്റഗ്രാമിലൂടെ ചോദിച്ചു. നിയമം കൈയ്യിലെടുക്കാന് ആര്ക്കും അവകാശമില്ലെന്നും പ്രതിയെ പോലീസിനെ ഏല്പ്പിക്കുകയാണ് വേണ്ടതെന്നും ജിഷിന് കൂട്ടിച്ചേര്ത്തു. 'മരിമയം' ഉള്പ്പെടെയുള്ള ജനപ്രിയ പരമ്പരകളിലൂടെ പ്രേക്ഷകര്ക്ക് സുപരിചിതനാണ് സിദ്ധാര്ത്ഥ് പ്രഭു.
തട്ടീം മുട്ടീം എന്ന പരമ്പരയിലൂടെ ശ്രദ്ധേയനായ സിദ്ധാര്ത്ഥിനെതിരെ അടുത്തിടെ ചില വിവാദങ്ങള് ഉയര്ന്നിരുന്നു. എന്നാല് സിദ്ധാര്ത്ഥിനെ വര്ഷങ്ങളായി വ്യക്തിപരമായി അറിയാവുന്ന ഒരാളെന്ന നിലയില് അവന് അങ്ങനെയൊരാളല്ലെന്ന് തനിക്ക് ഉറപ്പുണ്ടെന്ന് ജിഷിന് പറഞ്ഞു. പ്രതിസന്ധി ഘട്ടത്തില് സുഹൃത്തിന് ധൈര്യം പകരുക എന്ന ലക്ഷ്യത്തോടെയാണ് ജിഷിന്റെ കുറിപ്പ്. 'സിദ്ധാര്ത്ഥിനെ എനിക്ക് നന്നായറിയാം. അവന് തെറ്റ് ചെയ്തിട്ടുണ്ടാകുമെന്ന് ഞാന് വിശ്വസിക്കുന്നില്ല. ഈ വിഷമഘട്ടത്തില് ഞാന് അവനൊപ്പമുണ്ടാകും,' ജിഷിന് വ്യക്തമാക്കി. സോഷ്യല് മീഡിയയില് പലരും സിദ്ധാര്ത്ഥിനെതിരെ വിമര്ശനങ്ങള് ഉന്നയിക്കുമ്പോഴാണ് സഹപ്രവര്ത്തകനായ ജിഷിന്റെ ഈ പരസ്യ പിന്തുണ ശ്രദ്ധേയമാകുന്നത്.
സത്യം അധികം വൈകാതെ പുറത്തുവരുമെന്നും സിദ്ധാര്ത്ഥ് നിരപരാധിത്വം തെളിയിക്കുമെന്നും ജിഷിന് കുറിപ്പിലൂടെ പ്രത്യാശ പ്രകടിപ്പിച്ചു. മിനിസ്ക്രീന് രംഗത്തെ നിരവധി പേര് ജിഷിന്റെ ഈ നിലപാടിനെ അനുകൂലിച്ചും പ്രതികൂലിച്ചും രംഗത്തെത്തുന്നുണ്ട്. മദ്യലഹരിയില് വാഹനമോടിച്ച് കാല്നടയാത്രക്കാരനെ ഇടിച്ചുപരിക്കേല്പ്പിച്ച സംഭവത്തില് പ്രശസ്ത സീരിയല് താരം സിദ്ധാര്ത്ഥ് പ്രഭുവിനെ ചിങ്ങവനം പോലീസ് അറസ്റ്റ് ചെയ്തിരുന്നു. എംസി റോഡില് നാട്ടകം ഗവണ്മെന്റ് കോളേജിന് സമീപമാണ് സംഭവം നടന്നത്.
സിദ്ധാര്ത്ഥ് ഓടിച്ചിരുന്ന കാര് നിയന്ത്രണം വിട്ട് റോഡരികില് ലോട്ടറി വില്പ്പന നടത്തിയിരുന്ന ആളെ ഇടിക്കുകയായിരുന്നു. അപകടത്തിന് പിന്നാലെ നാട്ടുകാര് താരത്തെ തടഞ്ഞുവെച്ചു. സ്ഥലത്തെത്തിയ പോലീസിനെയും സിദ്ധാര്ത്ഥ് ആക്രമിക്കാന് ശ്രമിച്ചതോടെ ബലം പ്രയോഗിച്ചാണ് കസ്റ്റഡിയിലെടുത്തത്. വൈദ്യപരിശോധനയില് താരം മദ്യപിച്ചിരുന്നതായി സ്ഥിരീകരിച്ചു.