ഒരൊറ്റ ദിവസം വീട് വൃത്തിയായി കിടക്കില്ല..!!; ദേഷ്യത്തിൽ എന്തൊക്കെയോ പുലമ്പികൊണ്ട് മുറികൾ അടിച്ചുവാരുന്ന വീട്ടമ്മ; അലമാര തുറന്നതും തലവര മാറി; ഒന്ന് ചുരണ്ടി നോക്കിയതും ഡബിൾ ഹാപ്പി; ഭാഗ്യദേവത കാർഡിന്റെ രൂപത്തിലെത്തിയപ്പോൾ സംഭവിച്ചത്

വാഷിങ്ടൺ: വീട് വൃത്തിയാക്കുന്നതിനിടെ അലമാരയിൽ കണ്ടെത്തിയ പഴയ ലോട്ടറി ടിക്കറ്റ് യുവതിക്ക് സമ്മാനിച്ചത് ഒരു ലക്ഷം ഡോളർ (ഏകദേശം 88 ലക്ഷം ഇന്ത്യൻ രൂപ). യുണൈറ്റഡ് സ്റ്റേറ്റ്സിലെ വിർജീനിയ സ്വദേശിനിയായ ആൽഫ്രെഡ ഹോക്കിൻസിനാണ് ഈ അപ്രതീക്ഷിത ഭാഗ്യക്കൂറുണ്ടായത്. ഫോക്സ് ന്യൂസ് റിപ്പോർട്ട് ചെയ്തതനുസരിച്ച്, പഴയ ലോട്ടറി ടിക്കറ്റുകൾ സൂക്ഷിച്ച പെട്ടിയിൽ നിന്നാണ് ടിക്കറ്റ് ലഭിച്ചത്.

വീട് വൃത്തിയാക്കുന്നതിനിടെയാണ് ഹോക്കിൻസ് അലമാരയിൽ സൂക്ഷിച്ചിരുന്ന ടിക്കറ്റുകൾ കണ്ടെത്തിയത്. അവയിൽ ഒന്ന് സ്ക്രാച്ച് ചെയ്തപ്പോഴാണ് സമ്മാനാർഹമാണെന്ന് മനസ്സിലാക്കിയത്. ഈ കണ്ടെത്തലിൽ താൻ അതിയായ സന്തോഷത്തിലായിരുന്നുവെന്ന് അവർ പറഞ്ഞു. റിച്ച്മണ്ടിലെ ഒരു ഷോപ്പ് & ഗോ കൺവീനിയൻസ് സ്റ്റോറിൽ നിന്നാണ് ഈ ഭാഗ്യ ടിക്കറ്റ് വാങ്ങിയത്.

രസകരമായ ഒരു വസ്തുത, 'എക്‌സ്ട്രീം ക്യാഷ്' സ്ക്രാച്ച്-ഓഫ് ഗെയിമിൽ ലഭ്യമായിരുന്ന അവസാനത്തെ സമ്മാനമായിരുന്നു ഇതെന്നും ലോട്ടറി ഉദ്യോഗസ്ഥർ അറിയിച്ചു. ലഭിച്ച വലിയ സമ്മാനത്തുക എങ്ങനെ വിനിയോഗിക്കണമെന്നതിനെക്കുറിച്ച് പ്രത്യേക പദ്ധതികളൊന്നും നിലവിലില്ലെന്നും, എങ്കിലും ആലോചിച്ച് ഒരു തീരുമാനമെടുക്കുമെന്നും അവർ കൂട്ടിച്ചേർത്തു.

അമേരിക്കയിൽ ലോട്ടറിക്ക് വലിയ പ്രചാരമുള്ള സമയമാണിതെന്ന് മാധ്യമങ്ങൾ റിപ്പോർട്ട് ചെയ്യുന്നു. നിലവിൽ മെഗാ മില്യൺസ് ജാക്ക്പോട്ട് 520 മില്യൺ ഡോളറായും പവർബോൾ ജാക്ക്പോട്ട് 174 മില്യൺ ഡോളറായും ഉയർന്നിട്ടുണ്ട്. സമീപകാലത്ത് മിഷിഗണിലെ മകോംബ് കൗണ്ടിയിൽ നിന്നുള്ള ഒരാൾക്ക് ഏഴ് കോടി രൂപയുടെ ജാക്പോട്ട് ലഭിച്ചിരുന്നു. ഈ സാഹചര്യത്തിൽ, ഹോക്കിൻസിന്റെ ഭാഗ്യക്കുറി വിജയം നിരവധിപേർക്ക് പ്രചോദനമായിരിക്കുകയാണ്.