മുതലക്കോടം ഫൊറോന പള്ളിയിലെ വിവാഹത്തില്‍ പങ്കെടുത്ത് സത്കാരത്തിനായി മുട്ടം റോഡിലുള്ള റിസോര്‍ട്ടിലേക്കു പോകുന്നതിനിടെ എത്തിയ ഥാര്‍; അഞ്ചു പ്രതികളുടേയും വീട്ടില്‍ റെയ്ഡ്; ഡി വൈ എഫ് ഐക്കാരുടെ മൊബൈല്‍ സ്വിച്ച് ഓഫ്; എകെജി സെന്ററിലെ നിര്‍ദ്ദേശം കാത്ത് പ്രതികളുടെ സംരക്ഷകന്‍; ആ അഞ്ചു പേര്‍ക്ക് സുഖവാസം ഒരുക്കുന്നത് സിപിഎം ഉന്നതന്‍
ഇടുക്കി: ഷാജന്‍ സ്‌കറിയെ ആക്രമിച്ചവരെ കണ്ടെത്താന്‍ രാത്രിയില്‍ ഉടനീളം പോലീസിന്റെ റെയ്ഡ്. അഞ്ച് പ്രതികളെ പോലീസ് തിരിച്ചറിഞ്ഞിട്ടുണ്ട്. ഡിവൈഎഫ് ഐ നേതൃത്വം തന്നെ പേരുകള്‍ പോലീസിന് കൈമാറിയിട്ടുണ്ട്. ഥാര്‍ വാഹനത്തിന്റെ വിവരങ്ങളും പോലീസ് ശേഖരിച്ചു. അഞ്ചു പേരെ അറസ്റ്റു ചെയ്ത് മറ്റ് ഗൂഡാലോചനകളിലേക്ക് അന്വേഷണം എത്താതിരിക്കാനാണ് നീക്കം. അതിനിടെ അഞ്ചു പ്രതികളും സിപിഎം ഉന്നതന്റെ സംരക്ഷണയിലാണ്. എകെജി സെന്ററില്‍ നിന്നും നിര്‍ദ്ദേശം കിട്ടിയാല്‍ ഇവര്‍ പോലീസിന് മുന്നിലെത്തും. അതിനിടെ പ്രതികളെ കൈവിട്ടാല്‍ ഗൂഡാലോചന പുറത്തു പറയുമോ എന്ന ആശങ്ക സിപിഎം നേതൃത്വത്തിനുണ്ട്. ഇടുക്കിയിലെ മുതിര്‍ന്ന സിപിഎം നേതാവ് അടക്കം പ്രതികളെ രക്ഷിക്കാന്‍ ഇടപെടല്‍ നടത്തുന്നുണ്ട്. ഇതും പോലീസിന് അന്വേഷണം മുമ്പോട്ട് കൊണ്ടു പോകാന്‍ വെല്ലുവിളിയായിട്ടുണ്ട്.
ഇന്നലെ രാത്രി മങ്ങാട്ടുകവലയിലാണ് സംഭവം. മുതലക്കോടം ഫൊറോന പള്ളിയില്‍ നടന്ന വിവാഹചടങ്ങില്‍ പങ്കെടുത്ത ശേഷം വിവാഹ സത്കാരത്തിനായി മുട്ടം റോഡിലുള്ള സ്വകാര്യ റിസോര്‍ട്ടിലേക്കു പോകുന്നതിനിടെ വാഹനത്തില്‍ പിന്തുടര്‍ന്നെത്തിയ സംഘം ഷാജന്റെ വാഹനത്തില്‍ ഇടിപ്പിച്ചു. വാഹനം നിര്‍ത്തിയതോടെ വലിച്ചിറക്കി മര്‍ദിക്കുകയായിരുന്നു. നാട്ടുകാരും പോലീസും ചേര്‍ന്ന് ഷാജനെ തൊടുപുഴ താലൂക്ക് ആശുപത്രിയില്‍ എത്തിച്ചശേഷം വിദഗ്ധ ചികിത്സയ്ക്കായി സ്മിത മെമ്മോറിയല്‍ ആശുപത്രിയിലേക്ക് മാറ്റി. ഥാര്‍ ജീപ്പിലെത്തിയ അഞ്ചംഗ സംഘമാണ് മര്‍ദിച്ചതെന്നാണു സൂചന. ഇവരെക്കുറിച്ച് പോലീസിന് വിവരം ലഭിച്ചിട്ടുണ്ട്. ഇവരുടെ ഫോണ്‍ എല്ലാം സ്വിച്ച് ഓഫാണ്. പ്രതികളുടെ വീട്ടില്‍ എല്ലാം രാത്രിയില്‍ പോലീസ് എത്തി പരിശോധന നടത്തിയിരുന്നു.
ഗുരുതര വകുപ്പുകള്‍ ചേര്‍ത്താണ് പോലീസ് എഫ് ഐ ആര്‍ ഇട്ടിരിക്കുന്നത്. മറുനാടന്‍ മലയാളി ചീഫ് എഡിറ്ററെ കാറിടിച്ച് കൊല്ലാന്‍ ശ്രമിച്ചത് അഞ്ചംഹ ഡിവൈഎഫ് ഐ സംഘമാണെന്ന് പോലീസ് പറയുന്നു. ഇടുക്കിയിലെ കല്യാണത്തില്‍ രാവിലെ മുതല്‍ ഷാജന്‍ സ്‌കറിയ സജീവമായി പങ്കെടുത്തിരുന്നു. ഇത് മനസ്സിലാക്കി നടന്ന ഗൂഡാലോചനയാണ് ആക്രമണമായി മാറിയത്. ഥാര്‍ ജീപ്പില്‍ കാത്ത് നിന്ന സംഘം ഷാജന്‍ സ്‌കറിയയെ പിന്തുടരുകയായിരുന്നു. കല്യാണം കഴിഞ്ഞ് റിസപ്ഷന്‍ ഹാളിലേക്ക് കാറില്‍ പോകുമ്പോഴായിരുന്നു അപ്രതീക്ഷിത ആക്രമണം. വിവാഹ വേദിയില്‍ നിന്നും ഇറങ്ങുമ്പോള്‍ തന്നെ ആരോ പിന്തുടരുന്നത് ഷാജന്‍ സ്‌കറിയയുടെ ശ്രദ്ധയില്‍ പെട്ടിരുന്നു. ഇത് വിവാഹ സ്ഥലത്തു നിന്നും റിസപ്ഷന്‍ വേദിയിലേക്ക് വരുന്ന മറ്റാരോ ആണെന്നണ് കരുതിയത്. അമിത വേഗതയില്‍ സിനിമാ സ്റ്റൈലില്‍ ചെയ്സ് ചെയ്ത് മുമ്പോട്ട് കയറിയ ഥാര്‍ ഷാജന്‍ സ്‌കറിയയുടെ വാഹനത്തിന്റെ വശത്ത് ഇടിച്ച് മറിച്ചിടാനായിരുന്നു ശ്രമിച്ചത്.
കാര്‍ നിയന്ത്രണം വിട്ടു പോകാതെ ആത്മ സംയമനം വീണ്ടെടുത്ത ഷാജന്‍ സ്‌കറിയ തന്റെ കാറില്‍ വന്നിടിച്ചത് വിവാഹത്തിന് വന്നവരുടെ വാഹനമാണെന്ന് തന്നെ കരുതി. അങ്ങനെ അവരോട് കാര്യം ചോദിക്കാനായി കാറിന്റെ ഗ്ലാസ് മാറ്റി. ഇതിനിടെയാണ് ആറംഗ സംഘം അക്രമം നടത്തിയത്. ആരാണ് ആക്രമിച്ചതെന്ന് ഷാജന്‍ സ്‌കറിയെ വ്യക്തമായി മനസ്സിലാക്കിയിട്ടുണ്ട്. ഇക്കാര്യം പോലീസിനേയും അറിയിച്ചു. തീര്‍ത്തും അപ്രതീക്ഷിതമായിരുന്നു ആക്രമണം. ഷാജന്‍ സ്‌കറിയെ വാഹനത്തില്‍ വിവാഹ വേദിയില്‍ നിന്നും പുറത്തിറങ്ങുന്നതും കാത്ത് ഥാര്‍ പുറത്തു തന്നെയുണ്ടായിരുന്നു. സിപിഎമ്മിനോട് അനുഭാവമുള്ള ബ്രിട്ടണിലെ പ്രവാസി വ്യവസായിയുടെ നേതൃത്വത്തിലാണ് ഈ ഗൂഡാലോചന നടന്നതെന്നാണ് സൂചന. ഈ വ്യവസായിയുടെ കള്ളത്തരങ്ങള്‍ മറുനാടനിലൂടെ പുറം ലോകം അറിഞ്ഞു. സിപിഎമ്മിനും ഇയാളെ തള്ളിപറയേണ്ട അവസ്ഥയുണ്ടായിരുന്നു.
സിപിഎം സംസ്ഥാന സെക്രട്ടറി എംവി ഗോവിന്ദന്റെ അതിവിശ്വസ്തനായിരുന്നു ഇയാള്‍. ഗോവിന്ദന്റെ മകനെതിരേയും ആക്രമണങ്ങള്‍ നടന്നു. സര്‍ക്കാര്‍ ഫണ്ട് വെട്ടിച്ച ശുചിത്വ സാഗരം പദ്ധതിയടക്കം പുറത്തെത്തി. ഇതിന്റെ പക സിപിഎമ്മിലേയും ഡിവൈഎഫ്ഐയിലേയും വിശ്വസ്തരെ ഉപയോഗിച്ച് നടപ്പിലാക്കുകയായിരുന്നു അയാളെന്നാണ് സൂചന. റിപ്പോര്‍ട്ടര്‍ ടിവിയുടെ ഓഫീസില്‍ കരി ഓയില്‍ ഒഴിച്ചവരെ അറസ്റ്റു ചെയ്യാന്‍ പോലീസ് അതിവേഗ നീക്കങ്ങള്‍ നടത്തിയിരുന്നു. സമാന ഇടപെടല്‍ ഷാജന്‍ സ്‌കറിയയെ ആക്രമിച്ചവര്‍ക്കെതിരെ ഉണ്ടാകുമോ എന്നതാണ് ഉയരുന്ന ചോദ്യം. അല്ലാത്ത പക്ഷം മുഖ്യമന്ത്രി പിണറായി വിജയനും ആഭ്യന്തരം വഹിക്കുന്നവര്‍ക്കുമെല്ലാം ഈ ആക്രമണത്തില്‍ പങ്കുണ്ടെന്ന് കരുതേണ്ട സാഹചര്യവും ഉണ്ടാകും.
ശതകോടീശ്വരനായ മറ്റൊരു പ്രവാസി വ്യവസായിയുടെ പകയും പകല്‍ പോലെ വ്യക്തമാണ്. അടുത്ത കാലത്ത് ആ പ്രവാസിയ്ക്ക് ചില തിരിച്ചടികള്‍ ഉണ്ടായിരുന്നു.