'മേക്ക് അമേരിക്ക ഹെല്‍ത്തി എഗെയ്ന്‍...'; ഇനി അത്തരം പ്രവർത്തികൾ ചെയ്താൽ നടപടി ഉറപ്പ്; ഭക്ഷണ സാധനങ്ങളിൽ കൃത്രിമ നിറങ്ങൾ ചേർക്കുന്നത് വിലക്കാനൊരുങ്ങി ട്രംപ് ഭരണകൂടം
വാഷിങ്ടൺ: കൃത്രിമ നിറങ്ങൾ ചേർത്ത ഭക്ഷണ സാധനങ്ങൾ നീക്കം ചെയ്യാനുള്ള പദ്ധതികള്‍ പ്രഖ്യാപിച്ച് അമേരിക്കൻ പ്രസിഡന്റ് ഡൊണാള്‍ഡ് ട്രംപ്. 'മേക്ക് അമേരിക്ക ഹെല്‍ത്തി എഗെയ്ന്‍' എന്ന പദ്ധതിയുടെ കീഴില്‍ അമേരിക്കയുടെ ഭക്ഷ്യ സമ്പ്രദായം പുനക്രമീകരിക്കുമെന്ന് ആരോഗ്യ സെക്രട്ടറി റോബര്‍ട്ട് എഫ് കെന്നഡി ജൂനിയര്‍ വ്യക്തമാക്കി.
2026 അവസാനത്തോടെ എട്ട് അംഗീകൃത കൃത്രിമ ഭക്ഷ്യ ചായങ്ങള്‍ ഘട്ടം ഘട്ടമായി നിര്‍ത്തലാക്കുമെന്ന് റോബര്‍ട്ട് എഫ് കെന്നഡി ജൂനിയര്‍ വ്യക്തമാക്കി. കുട്ടികളിലെ വിട്ടുമാറാത്ത രോഗങ്ങൾ ചികിത്സിക്കുന്നതിന് ഭക്ഷണത്തിൽ നിന്ന് അഡിറ്റീവുകൾ നീക്കം ചെയ്യാനുള്ള ശ്രമങ്ങൾ ആവശ്യമാണെന്ന് കെന്നഡി വ്യക്തമാക്കി.
കുറെ വർഷങ്ങളായി അമേരിക്കയിലെ കുട്ടികള്‍ കൃത്രിമ ഭക്ഷ്യ ചായങ്ങളുടെ വിഷ സൂപ്പിലാണ് കൂടുതലായി ജീവിക്കുന്നതെന്ന് ഫുഡ് ആന്‍ഡ് ഡ്രഗ് അഡ്മിനിസ്‌ട്രേഷന്‍ (എഫ്ഡിഎ) കമ്മീഷണര്‍ മാര്‍ട്ടി മക്കാരി പറഞ്ഞിരുന്നു. ശ്രദ്ധക്കുറവ്, ഹൈപ്പര്‍ ആക്റ്റിവിറ്റി ഡിസോര്‍ഡര്‍, പ്രമേഹം, കാന്‍സര്‍, ജീനോമിക് തടസ്സം, ദഹനനാളത്തിന്റെ പ്രശ്‌നങ്ങള്‍ എന്നിവയുള്‍പ്പെടെയുള്ള രോഗങ്ങൾക്ക് ഇത് കാരണമാകുന്നെന്നും അദ്ദേഹം വ്യക്തമാക്കി.