സീറ്റുകള് കുറഞ്ഞാലും പിണറായി സര്ക്കാര് അധികാരം നിലനിര്ത്തും; എന്ഡിഎയിലെ സീറ്റ് വിഭജനം പാളിയെന്നും ട്വന്റി 20-ക്ക് അമിത പ്രാധാന്യം നല്കിയത് തിരിച്ചടിയാകുമെന്നും കണ്ടെത്തല്; സതീശന് ബഫൂണും; പ്രതിപക്ഷ നേതാവിനെതിരെ വീണ്ടും അധിക്ഷേപം ചൊരിഞ്ഞ് വെള്ളാപ്പള്ളി; ഇതും തിരിഞ്ഞെടുപ്പ് കമ്മീഷന് നിലയ്ക്ക് നിര്ത്തേണ്ട വിഷയം
തിരുവനന്തപുരം: നിയമസഭാ തിരഞ്ഞെടുപ്പിന്റെ ചൂടിലേക്ക് കേരളം നീങ്ങവെ, രാഷ്ട്രീയ പ്രവചനങ്ങളും വ്യക്തിപരമായ അധിക്ഷേപങ്ങളുമായി എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന് വീണ്ടും രംഗത്ത്. പ്രതിപക്ഷ നേതാവ് വി.ഡി. സതീശനെ 'ബഫൂണ്' എന്നും 'ജോക്കര്' എന്നും വിളിച്ച് ആക്ഷേപിച്ച വെള്ളാപ്പള്ളി, മുഖ്യമന്ത്രി പിണറായി വിജയന്റെ പ്രകടനം 'സൂപ്പര്' ആണെന്നും എല്ഡിഎഫിന് തുടഭരണമുണ്ടാകുമെന്നും പ്രഖ്യാപിച്ചു. എന്നാല്, സ്വന്തം പദവി തന്നെ കോടതിയുടെ 'സ്റ്റേ' ഉത്തരവില് തൂങ്ങിനില്ക്കുമ്പോള് ജനപ്രതിനിധികളെ അധിക്ഷേപിക്കുന്നത് വിരോധാഭാസമാണെന്ന മറുപടിയുമായി രാഷ്ട്രീയ കേന്ദ്രങ്ങളും സജീവമായി.
വി.ഡി. സതീശന് വെറുമൊരു 'പ്രസംഗ തൊഴിലാളി' മാത്രമാണെന്നാണ് വെള്ളാപ്പള്ളിയുടെ പ്രധാന ആരോപണം. സതീശന്റെ നേതൃത്വത്തില് കെ. സുധാകരനെ വേട്ടയാടുകയാണെന്നും അദ്ദേഹം പറഞ്ഞു. കോണ്ഗ്രസില് മുഖ്യമന്ത്രിയാകാന് ഏറ്റവും യോഗ്യന് രമേശ് ചെന്നിത്തലയാണെന്നു പറയുന്നതിലൂടെ യുഡിഎഫിനുള്ളില് പുകയുന്ന ഭിന്നതകള്ക്ക് എണ്ണ പകരാനും വെള്ളാപ്പള്ളി മറന്നില്ല. യുഡിഎഫ് അധികാരത്തില് വരുന്നത് 'ലോകാവസാനത്തിന്' തുല്യമായിരിക്കുമെന്ന പരിഹാസവും അദ്ദേഹം ഉയര്ത്തി.
സീറ്റുകള് കുറഞ്ഞാലും പിണറായി സര്ക്കാര് അധികാരം നിലനിര്ത്തുമെന്നാണ് വെള്ളാപ്പള്ളിയുടെ ഉറച്ച വിശ്വാസം. അതേസമയം, എന്ഡിഎയിലെ സീറ്റ് വിഭജനം പാളിയെന്നും ട്വന്റി 20-ക്ക് അമിത പ്രാധാന്യം നല്കിയത് തിരിച്ചടിയാകുമെന്നും അദ്ദേഹം മുന്നറിയിപ്പ് നല്കി. ബിജെപിയിലെ മുതിര്ന്ന നേതാക്കളെ തഴഞ്ഞതിലുള്ള അസംതൃപ്തിയും അദ്ദേഹം തുറന്നടിച്ചു. ഹിന്ദു ഐക്യശ്രമങ്ങള് പാളിയതിന്റെ ഉത്തരവാദിത്തം ജി. സുകുമാരന് നായര്ക്കാണെന്നും വെള്ളാപ്പള്ളി കുറ്റപ്പെടുത്തി. എന്എസ്എസിലെ ആഭ്യന്തര പ്രശ്നങ്ങളാണ് ഐക്യത്തിന് തടസ്സം നില്ക്കുന്നത്. ഓരോ സമയത്തും ഓരോ നിലപാട് സ്വീകരിക്കുന്ന സുകുമാരന് നായരുടെ രീതി ഐക്യത്തെ തകര്ക്കുകയാണെന്നും അദ്ദേഹം ആരോപിച്ചു.
വെള്ളാപ്പള്ളിയുടെ അധിക്ഷേപങ്ങള്ക്കെതിരെ കോണ്ഗ്രസ് ക്യാമ്പുകളില് പ്രതിഷേധം ശക്തമാണ്. സ്വന്തം സംഘടനയിലെ ജനാധിപത്യം കോടതി കയറിയിരിക്കെ മറ്റുള്ളവരെ ജനാധിപത്യം പഠിപ്പിക്കാന് വരേണ്ടതില്ലെന്ന് നേതാക്കള് തിരിച്ചടിച്ചു. പിണറായി വിജയനെ പ്രീണിപ്പിക്കാനുള്ള ശ്രമമാണ് ഇത്തരം പ്രസ്താവനകളിലൂടെ വെള്ളാപ്പള്ളി നടത്തുന്നതെന്നാണ് കോണ്ഗ്രസ് വിലയിരുത്തല്. അടൂര് പ്രകാശിനെയും കെ. സുധാകരനെയും സ്ഥാനാര്ത്ഥി പട്ടികയില് നിന്ന് മാറ്റിനിര്ത്തിയത് കോണ്ഗ്രസിന് വന് തിരിച്ചടിയാകുമെന്ന പ്രവചനത്തോടെയാണ് വെള്ളാപ്പള്ളി തന്റെ രാഷ്ട്രീയ നിരീക്ഷണങ്ങള് അവസാനിപ്പിച്ചത്. വരും ദിവസങ്ങളില് ഈ 'നടേശനിസം' കേരള രാഷ്ട്രീയത്തില് കൂടുതല് ചര്ച്ചകള്ക്ക് വഴിവെക്കും. തിരഞ്ഞെടുപ്പ് കാലത്തെ ഈ വ്യക്തിഹത്യ തിരഞ്ഞെടുപ്പ് കമ്മീഷന് പരിശോധിക്കണമെന്ന ആവശ്യവും ശക്തമാകുന്നു.
സീറ്റുകള് കുറഞ്ഞാലും പിണറായി സര്ക്കാര് അധികാരം നിലനിര്ത്തുമെന്നാണ് വെള്ളാപ്പള്ളിയുടെ ഉറച്ച പ്രവചനം. മുഖ്യമന്ത്രിയുടെ പ്രവര്ത്തനങ്ങളെ വാനോളം പുകഴ്ത്തുന്ന അദ്ദേഹം, യുഡിഎഫ് അധികാരത്തില് വരുന്നത് 'ലോകാവസാനത്തിന്' തുല്യമായിരിക്കുമെന്നും പരിഹസിച്ചു. സതീശന് വെറുമൊരു 'പ്രസംഗ തൊഴിലാളി' മാത്രമാണെന്നും കോണ്ഗ്രസില് ചെന്നിത്തലയാണ് മുഖ്യമന്ത്രിയാകാന് ഏറ്റവും യോഗ്യനെന്നും പറയുന്നതിലൂടെ പ്രതിപക്ഷത്തിനുള്ളില് ഭിന്നതയുണ്ടാക്കാനാണ് വെള്ളാപ്പള്ളി ലക്ഷ്യമിടുന്നത്. എന്ഡിഎയിലെ സീറ്റ് വിഭജനം പാളിയെന്നും ട്വന്റി 20-ക്ക് അമിത പ്രാധാന്യം നല്കിയത് തിരിച്ചടിയാകുമെന്നും വെള്ളാപ്പള്ളി ചൂണ്ടിക്കാട്ടി. ബിജെപിയിലെ മുതിര്ന്ന നേതാക്കളെ തഴഞ്ഞതിലുള്ള അസംതൃപ്തിയും അദ്ദേഹം തുറന്നടിച്ചു. എന്എസ്എസ് നേതൃത്വവുമായുള്ള ഐക്യശ്രമങ്ങള് പാളിയതിന്റെ ഉത്തരവാദിത്തം ജി. സുകുമാരന് നായര്ക്കാണെന്നും അദ്ദേഹം കുറ്റപ്പെടുത്തി.
സ്വന്തം പദവി തന്നെ കോടതിയുടെ 'സ്റ്റേ' ഉത്തരവില് തൂങ്ങിനില്ക്കുമ്പോള് ജനപ്രതിനിധികളെ അധിക്ഷേപിക്കുന്നത് വിരോധാഭാസമാണെന്നാണ് രാഷ്ട്രീയ കേന്ദ്രങ്ങളുടെ പ്രതികരണം. സ്വന്തം സംഘടനയിലെ ജനാധിപത്യം കോടതി കയറിയിരിക്കെ മറ്റുള്ളവരെ ജനാധിപത്യം പഠിപ്പിക്കാന് വരേണ്ടതില്ലെന്ന് കോണ്ഗ്രസ് നേതാക്കള് തിരിച്ചടിച്ചു. പിണറായി വിജയനെ പ്രീണിപ്പിക്കാനുള്ള ശ്രമമാണ് ഇത്തരം പ്രസ്താവനകളിലൂടെ വെള്ളാപ്പള്ളി നടത്തുന്നതെന്നാണ് വിലയിരുത്തല്.