ജോണ്‍ ബ്രിട്ടാസ് എംപിയെ സിപിഎം രാജ്യസഭാ കക്ഷി നേതാവായി തിരഞ്ഞെടുത്തു; ബംഗാളില്‍ നിന്നുള്ള ബികാഷ് രഞ്ജന്‍ ഭട്ടാചാര്യ സ്ഥാനമൊഴിഞ്ഞതോടെ ബ്രിട്ടാസിനെ തേടി പുതിയ പദവി

ന്യൂഡല്‍ഹി: രാജ്യസഭ എംപി ജോണ്‍ ബ്രിട്ടാസിനെ സിപിഎഐഎം രാജ്യസഭാ കക്ഷി നേതാവായി തിരഞ്ഞെടുത്തു. ബംഗാളില്‍ നിന്നുള്ള ബികാഷ് രഞ്ജന്‍ ഭട്ടാചാര്യ സ്ഥാനമൊഴിഞ്ഞതോടെയാണ് ബ്രിട്ടാസിന് നറുക്ക് വീണത്.

നിലവില്‍ ഉപനേതാവാണ് ജോണ്‍ ബ്രിട്ടാസ്. വിദേശകാര്യ സ്റ്റാന്റിംഗ് കമ്മിറ്റി, പബ്ലിക്ക് അണ്ടര്‍ടേക്കിങ് കമ്മിറ്റി, ഐ ടി വകുപ്പിന്റെ ഉപദേശക സമിതി എന്നിവയില്‍ അംഗമാണ് ജോണ്‍ ബ്രിട്ടാസ്. കഴിഞ്ഞ പാര്‍ലമെന്റ് സമ്മേളനത്തില്‍ ബ്രിട്ടാസിന്റെ പ്രകടനം മികച്ചതാണെന്ന് വിലയിരുത്തലുണ്ടായിരുന്നു.

കേന്ദ്ര കമ്മിറ്റിയില്‍ സ്ഥിരം ക്ഷണിതാവ് കൂടിയാണ് ബ്രിട്ടാസ്. മുഖ്യമന്ത്രിയുടെ മാധ്യമ ഉപദേഷ്ടാവ് എന്ന നിലയില്‍ നിന്നുമാണ് പിന്നീട് ജോണ്‍ ബ്രിട്ടാസ് പ്രത്യക്ഷ രാഷ്ട്രീയത്തിലേക്ക് ചുവടുവെക്കുന്നത്.