നാട്ടിലെങ്ങും ക്രിസ്മസ് വൈബ്..; നാളത്തെ ആഘോഷത്തിന് ഡ്രെസ്സൊക്കെ റെഡിയാക്കി കാണുമല്ലോ?; ഇനി ലുക്ക് എങ്ങനെ വേണമെന്ന് മാത്രം ചിന്തിച്ചാൽ മതി; നിങ്ങളുടെ മുഖം തിളങ്ങാൻ ഇതാ..4 കിടിലൻ മേക്കപ്പുകൾ
ക്രിസ്മസ് ആഘോഷങ്ങൾ പടിവാതിൽക്കൽ എത്തിനിൽക്കെ, വസ്ത്രത്തിനൊപ്പം തന്നെ പ്രധാനമാണ് മേക്കപ്പും. ഇത്തവണത്തെ ക്രിസ്മസ് പാർട്ടികളിലും ഒത്തുചേരലുകളിലും വ്യത്യസ്തമായ ലുക്കിൽ തിളങ്ങാൻ ആഗ്രഹിക്കുന്നവർക്കായി സോഷ്യൽ മീഡിയയിൽ തരംഗമാകുന്ന നാല് 'ഏസ്തെറ്റിക്' മേക്കപ്പ് ശൈലികൾ ഇതാ:
1. ഡ്യൂയി ഗ്ലാസ് സ്കിൻ ലുക്ക്: സ്വാഭാവികമായ തിളക്കം ഇഷ്ടപ്പെടുന്നവർക്ക് ഈ ലുക്ക് തിരഞ്ഞെടുക്കാം. ഇതിനായി ഹെവി ഫൗണ്ടേഷനുകൾ ഒഴിവാക്കി പകരം സ്കിൻ ടിന്റുകൾ ഉപയോഗിക്കാം. ലിക്വിഡ് ബ്ലഷ് കവിളുകളിൽ പുരട്ടി മൃദുവായി ബ്ലെൻഡ് ചെയ്യണം. ന്യൂഡ് ഷേഡിലുള്ള ലിപ് ലൈനറും അതിനു മുകളിൽ ക്ലിയർ ഗ്ലോസ്സും ഉപയോഗിക്കുന്നതോടെ ലുക്ക് പൂർത്തിയാകും. പകൽ സമയത്തെ ആഘോഷങ്ങൾക്കും ലളിതമായ ഒത്തുചേരലുകൾക്കും ഇത് ഏറെ അനുയോജ്യമാണ്.
2. ഫ്രോസ്റ്റഡ് വിന്റർ എൽഫ് : ക്രിസ്മസ് നൈറ്റ് പാർട്ടികൾക്ക് ഒരു രാജകുമാരിയെപ്പോലെ തിളങ്ങാൻ ഈ സ്റ്റൈൽ സഹായിക്കും. ഐസ് ബ്ലൂ അല്ലെങ്കിൽ സിൽവർ ഐഷാഡോ ഉപയോഗിച്ച് കണ്ണുകൾ മനോഹരമാക്കാം. ഇതിനൊപ്പം ചെറിയ ഫേസ് ക്രിസ്റ്റലുകൾ കണ്ണുകളുടെ അറ്റത്ത് ഒട്ടിക്കുന്നത് കൂടുതൽ ട്രെൻഡി ലുക്ക് നൽകും. ഇളം പിങ്ക് ഷിമ്മർ ലിപ്സ്റ്റിക് കൂടി ഉപയോഗിക്കുന്നതോടെ ഈ വിന്റർ വൈബ് പൂർണ്ണമാകും.
3. ഗ്രാഫിക് ലൈനർ & വിനൈൽ റെഡ്: അല്പം ബോൾഡ് ആയ പരീക്ഷണങ്ങൾ ഇഷ്ടപ്പെടുന്നവർക്കുള്ളതാണ് ഈ ശൈലി. സാധാരണ ഐലൈനറിന് പകരം കണ്ണിന് മുകളിൽ ഗ്രാഫിക് വിംഗ്സ് വരയ്ക്കുക. ക്രിസ്മസിന്റെ പ്രിയപ്പെട്ട നിറമായ ചുവപ്പ് ലിപ്സ്റ്റിക് പുരട്ടിയ ശേഷം അതിനു മുകളിൽ ലിപ് ഗ്ലോസ്സ് ഉപയോഗിച്ച് 'വിനൈൽ ഫിനിഷ്' നൽകുന്നത് ഈ വർഷത്തെ പ്രത്യേക ട്രെൻഡാണ്.
4. കോൾഡ് ഗേൾ വൈബ്: മഞ്ഞു വീഴുമ്പോഴുണ്ടാകുന്ന സ്വാഭാവികമായ ചുവപ്പ് മുഖത്ത് മേക്കപ്പിലൂടെ കൊണ്ടുവരുന്ന രീതിയാണിത്. കടും പിങ്ക് അല്ലെങ്കിൽ ക്രാൻബെറി നിറത്തിലുള്ള ബ്ലഷ് കവിളുകളിലും മൂക്കിന്റെ തുമ്പിലും പുരട്ടണം. ചുണ്ടുകളിൽ 'ബ്ലേർഡ് ലിപ്' സ്റ്റൈൽ പരീക്ഷിക്കാം. കണ്ണുകളിൽ പേൾ വൈറ്റ് ഷിമ്മർ ഉപയോഗിക്കുന്നത് ഐശ്വര്യവും കുളിർമയും നിറഞ്ഞ ലുക്ക് നൽകും.
മേക്കപ്പ് തുടങ്ങുന്നതിന് മുമ്പ് ചർമ്മം നന്നായി മോയ്സ്ചറൈസ് ചെയ്യാനും അവസാനം ഒരു സെറ്റിംഗ് സ്പ്രേ ഉപയോഗിക്കാനും മറക്കരുത്. ഈ ലുക്കുകൾ പരീക്ഷിച്ച് ഇത്തവണത്തെ ക്രിസ്മസ് നിങ്ങൾക്ക് കൂടുതൽ വർണ്ണാഭമാക്കാം.