മയക്കു മരുന്നുമായി കാറിൽ സഞ്ചരിക്കവേ മുന്ന് യുവാക്കൾ പിടിയിൽ; കാറിൽ നിന്നും കണ്ടെടുത്തത് മൂന്ന് ഗ്രാം എഡിഎമ്മും എഴുപതു ഗ്രാം കഞ്ചാവും

കണ്ണുർ: മയ്യിലിനടുത്തെ മാണിയുരിൽ എ.ഡി.എമ്മും കഞ്ചാവുമായി മൂന്ന് യുവാക്കൾ എക്‌സൈസ് പിടിയിൽ' പള്ളിയത്ത് മുരിക്കുംചേരി ക്കണ്ടി അബ്ദുൽ റഹ്മാൻ, ഇരിക്കൂർ സ്വദേശി കെ.ആർ സാജിദ് മാണിയൂർ സ്വദേശി ബി.കെ മുഹമ്മദ് ഫാസിൽ എന്നിവരെയാണ് ലഹരി വസ്തുക്കളുമായി അറസ്റ്റു ചെയ്തത്.

ഇവർ സഞ്ചരിച്ച കാറിൽ നിന്നും മൂന്ന് ഗ്രാം എ ഡി.എമ്മും എഴുപതു ഗ്രാം കഞ്ചാവ് എന്നിവ കണ്ടെടുത്തു.മാണിയൂർ പള്ളിയത്ത് വച്ചാണ് രഹസ്യവിവരം ലഭിച്ചതിനെ തുടർന്ന് ഇവരെ എക്‌സൈസ് സർക്കിൾ ഇൻസ്‌പെക്ടർ ബി.കെ ശ്രീരാഗ് കൃഷ്ണയുടെ നേതൃത്വത്തിലുള്ള സംഘം പിൻതുടർന്ന് പിടികൂടുന്നത്. റെയ്ഡിൽ പ്രിവന്റീവ് ഓഫിസർ എം.വി അഷ്‌റഫ് ,സിവിൽ എക്‌സൈസ് ഓഫിസർമാരായ കെ.വി ഷൈജു, കെ.വിനീഷ് എന്നിവരും പങ്കെടുത്തു.