ഹാപ്പി ബെര്ത്ത്ഡേ ഡിയര്‍ അപ്പു..; പ്രണവിന് പിറന്നാള്‍ ദിനത്തില്‍ കുറിപ്പുമായി മോഹന്‍ലാല്‍; ഏറ്റെടുത്ത് ആരാധകര്‍
മലയാളത്തിന്റെ പ്രിയതാരം പ്രണവ് മോഹന്‍ലാല്‍ ഇന്ന് ജന്മദിനം ആഘോഷിക്കുന്നു. പിറന്നാള്‍ ആശംസകളുമായി സിനിമാലോകം സോഷ്യല്‍മീഡിയയില്‍ നിറയുകയാണ്. നടന്‍ മോഹന്‍ലാല്‍ സ്വയം പങ്കുവെച്ച അപ്പുവിനൊപ്പംുള്ള ചിത്രവും ആരാധകരുടെയും ശ്രദ്ധ ആകര്‍ഷിച്ചു. ''ഹാപ്പി ബെര്ത്ത്ഡേ ഡിയര്‍ അപ്പു'' എന്ന കുറിപ്പോടെയാണ് ലാലേട്ടന്‍ ചിത്രം പങ്കുവെച്ചത്.
അതേസമയം, ജന്മദിനത്തോടനുബന്ധിച്ച് പ്രണവിനെ പ്രധാന കഥാപാത്രമാക്കി രാഹുല്‍ സദാശിവന്‍ സംവിധാനം ചെയ്യുന്ന ഹൊറര്‍ ത്രില്ലര്‍ ചിത്രം 'ഡീയസ് ഈറേ'യുടെ പ്രത്യേക പോസ്റ്ററും പുറത്തുവിട്ടു. വ്യത്യസ്തമായ ഗെറ്റപ്പിലുള്ള പ്രണവിന്റെ പുതിയ ലുക്കാണ് പോസ്റ്ററില്‍ പ്രധാനം. പോസ്റ്റര്‍ പ്രേക്ഷകമാധ്യമങ്ങളില്‍ നിന്ന് മികച്ച പ്രതികരണമാണ് നേടുന്നത്.
'ഭ്രമയുഗം' എന്ന ക്രിട്ടിക്കലായി പ്രശംസിക്കപ്പെട്ട മമ്മൂട്ടി ചിത്രത്തിന് ശേഷം രാഹുല്‍ സദാശിവന്‍ സംവിധാനം ചെയ്യുന്ന പുതിയ ഹൊറര്‍ അനുഭവമാണ് 'ഡീയസ് ഈറേ'. ചിത്രം ഒക്ടോബര്‍ 31ന് തിയേറ്ററുകളിലെത്തും. നൈറ്റ് ഷിഫ്റ്റ് സ്റ്റുഡിയോസും വൈ നോട്ട് സ്റ്റുഡിയോസും ചേര്‍ന്ന് ചക്രവര്‍ത്തി രാമചന്ദ്രയും എസ്. ശശികാന്തും ചേര്‍ന്നാണ് ചിത്രത്തിന്റെ നിര്‍മ്മാണം. ചിത്രത്തിന്റെ റിലീസിനായി ആരാധകര്‍ ഉറ്റുനോക്കുകയാണ്. 'ഡീയസ് ഈറേ' ഹൊറര്‍ ത്രില്ലറുകളുടെ മലയാള ചലച്ചിത്രഭാഷയില്‍ പുതിയ വഴികളിലേക്കുള്ള ശ്രമമാണെന്ന് അണിയറ പ്രവര്‍ത്തകര്‍ വ്യക്തമാക്കി.
