മക്കയിൽ വാഹനാപകടം; പ്രവാസി മലയാളിക്ക് ദാരുണാന്ത്യം; അപകടം ജോലി കഴിഞ്ഞ് റോഡ് മുറിച്ചു കടക്കവെ; മരിച്ചത് നാടപ്പറമ്പ് സ്വദേശി ശാഹുൽ

റിയാദ്: മക്കയിൽ വെച്ച് വാഹനാപകടത്തിൽ ഒരാൾക്ക് ദാരുണാന്ത്യം; പാലക്കാട് പട്ടാമ്പി പള്ളിപുറം നാടപ്പറമ്പ് സ്വദേശി ശാഹുൽ ഹമീദ് (46) മക്കയിൽ വാഹനമിടിച്ച് മരിച്ചു. മക്കയിലെ ഷൗക്കിയയിൽ സമൂസ കച്ചവടം നടത്തുകയായിരുന്നു ഇദ്ദേഹം.

കടയിൽ ജോലി ചെയ്തുവരികയായിരുന്ന ഇദ്ദേഹം രാത്രി ജോലി കഴിഞ്ഞതിനുശേഷം റോഡ് മുറിച്ചുകടക്കവെ എതിരെ വന്ന ലക്സസ് വാഹനമിടിച്ച് തൽക്ഷണം മരണം സംഭവിക്കുകയായിരുന്നു. ഡോ. ഇവാൾ അൽ ബഷരി ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം നടപടികൾ പൂർത്തിയാക്കി മക്കയിൽ ഖബറടക്കുമെന്ന് ബന്ധുകൾ വ്യക്തമാക്ക. ഭാര്യ: വഹീദ, മക്കൾ: അബ്ദുൽ ബാസിത്, ഫെമിത, ഫർസാന, മിസ്ബാഹ്.