പിറവത്ത് വീട് വാടകക്കെടുത്ത് കള്ളനോട്ടു നിർമ്മാണം! ഇലഞ്ഞിയിൽ പൊലീസും ഇന്റലിജന്റസും റെയ്ഡ് നടത്തുന്നു; ആറുപേർ പിടിയിലായി, കള്ളനോട്ട് നിർമ്മിക്കാനുള്ള യന്ത്രങ്ങൾ അടക്കം വിപുലമായ സംവിധാനങ്ങളെന്ന് പൊലീസ്

കൊച്ചി: എറണാകുളം ജില്ലയിലെ പിറവത്തിനടുത്ത് ഇലഞ്ഞിയിൽ കള്ളനോട്ട് നിർമ്മാണ കേന്ദ്രം കണ്ടെത്തി. ഇവിടെ പൊലീസും ഇന്റലിജൻസ് ഉദ്യോഗസ്ഥരും ചേർന്ന് റെയ്ഡ് നടത്തുകയാണ്. വാടകയ്ക്ക് എടുത്തു വീട്ടിലാണ് കള്ളനോട്ട് നിർമ്മാണം നടന്നിരുന്നത്. സംഘത്തിലെ ആറുപേർ പിടിയിലായിട്ടുണ്ട്. കള്ളനോട്ട് നിർമ്മിക്കാനുള്ള യന്ത്രങ്ങൾ അടക്കം വിപുലമായ സംവിധാനങ്ങൾ ഉണ്ടെന്ന് പൊലീസ് അറിയിച്ചു.

വെളുപ്പിന് 5 മണിക്ക് തുടങ്ങിയ പരിശോധന ഇപ്പോഴും തുടരുകയാണ്. പുത്തൻകുരിശ് ഡിവൈഎസ്‌പിയുടെ നേതൃത്വത്തിലുള്ള സംഘമാണ് സ്ഥലത്തെത്തി പരിശോധന നടത്തുന്നത്. കള്ളനോട്ട് സംഘത്തിന് പത്തനംതിട്ട, ഇടുക്കി ജില്ലകളിലും ബന്ധമുണ്ടെന്നാണ് സംശയം. കെട്ടിട നിർമ്മാണ സംഗമെന്ന വ്യാജേനയാണ് ഇവർ ഇലഞ്ഞിയിൽ വീട് എടുത്ത് കുറ്റകൃത്യം നടത്തിവന്നതെന്നാണ് പൊലീസ് പറയുന്നത്.