കണ്ണൂർ: തളിപ്പറമ്പിൽ മാരക മയക്കുമരുന്നുമായി യുവാവ് പിടിയിൽ. മാരക മയക്കുമരുന്നായ എം. ഡി. എം. എയുമായി തളിപ്പറമ്പ് കുപ്പം മുക്കുന്ന് സ്വദേശി പി.നദീറിനെയാണ് എക്സൈസ് അറസ്റ്റു ചെയ്തത്. ഇയാളിൽ നിന്നും 1,045 ഗ്രാം എം.ഡി. എം. എയാണ് കണ്ടെടുത്തത്. കുപ്പം അടിക്കും പാറയിൽ വെച്ച് എക്സൈസ് ഇൻസ്പെക്ടർ എൻ. വൈശാഖും സംഘവും നടത്തിയ റെയ്ഡിലാണ് യുവാവ് ബൈക്കുമായി പിടിയിലായത്.

മയക്കുമരുന്ന് കടത്താൻ ഉപയോഗിച്ച ആഡംബര ബൈക്കും കസ്റ്റഡിയിലെടുത്തിട്ടുണ്ട്. തളിപ്പറമ്പ് മേഖലയിൽ മയക്കുമരുന്ന് വിതരണം ചെയ്യുന്ന റാക്കറ്റിലെ കണ്ണിയാണ് ഇയാളെന്നു എക്സൈസ് അറിയിച്ചു. പിടിയിലായ യുവാവിനെ ചോദ്യം ചെയ്തുവരികയാണ്. മംഗളൂരിൽ നിന്നാണ് ഇയാൾ മാരകമയക്കുമരുന്നായ എം.ഡി. എം. എയെത്തിച്ചതെന്നാണ് എക്സൈസിന്റെ പ്രാഥമിക നിഗമനം.

തളിപ്പറമ്പ് മേഖലയിലെ വിദ്യാർത്ഥികൾ ഉൾപ്പെടെയുള്ളവർക്ക് മയക്കുമരുന്നെത്തിച്ചു കൊടുത്തിരുന്ന യുവാവ് ഏറെക്കാലമായി എക്സൈസ് നിരീക്ഷണത്തിലായിരുന്നു.ശനിയാഴ്‌ച്ചവൈകുന്നേരം ആറുമണിയോടെയാണ് യുവാവ് വാഹനപരിശോധനയ്ക്കിടെ കുടുങ്ങുന്നത്.

അറസ്റ്റിൽഎംഡിഎംഎതളിപ്പറമ്പ്മയക്കുമരുന്ന്യുവാവ്

മറുനാടന്‍ മലയാളി

    മറുനാടന്‍ മലയാളി ബ്യൂറോ