നായ കടിച്ചതിനെ തുടര്‍ന്ന് ചികില്‍സയിലായിരുന്ന വീട്ടമ്മ പനി ബാധിച്ച് മരിച്ചു: പേവിഷ ബാധയുണ്ടോയെന്ന് അറിയാന്‍ പരിശോധന നടത്തും

പത്തനംതിട്ട: നായ കടിച്ചതിനെ തുടര്‍ന്ന് ചികില്‍സയിലായിരുന്ന വീട്ടമ്മ പനി ബാധിച്ച് മരിച്ചു. ഓമല്ലൂര്‍ മണ്ണാറമല കളര്‍ നില്‍ക്കുന്നതില്‍

കെ. മോഹനന്റെ ഭാര്യ കൃഷ്ണമ്മ (57)യാണ് മരിച്ചത്. കഴിഞ്ഞ മാസം നാലിന് കൃഷ്ണമ്മയെ നായ കടിച്ചിരുന്നു. പുരികത്താണ്് കടിയേറ്റത്. വാക്സിനേഷനും പൂര്‍ത്തിയാക്കിയിരുന്നു.

മൂന്നു ദിവസം മുമ്പ് പനി ബാധിച്ച് ഗുരുതരാവസഥയില്‍ കോട്ടയം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചിരുന്നു. ചികില്‍സയിലിരിക്കേ ഇന്നാണ് മരിച്ചത്. പേവിഷ ബാധയുണ്ടായിട്ടുണ്ടോ എന്നറിയാന്‍ കൂടുതല്‍ പരിശോധന നടത്തും. സംസ്‌കാരം ഞായറാഴ്ച രാവിലെ 11 ന് വീട്ടുവളപ്പില്‍. മക്കള്‍: ആര്യ മോഹന്‍, ആതിര മോഹന്‍. മരുമക്കള്‍: സുശാന്ത്, അനൂപ്.