കോളജിലെ ശുചിമുറിയില്‍ വിദ്യാര്‍ഥിനി പ്രസവിച്ചു; കുഞ്ഞിനെ ഒളിപ്പിച്ച ശേഷം ക്ലാസിലെത്തിയ വിദ്യാര്‍ത്ഥി കുഴഞ്ഞു വീണു: പ്രസവ വിവരം പുറത്തറിയുന്നത് ആശുപത്രിയില്‍ നടത്തിയ പരിശോധനയില്‍
കോളജിലെ ശുചിമുറിയില്‍ വിദ്യാര്‍ഥിനി പ്രസവിച്ചു; കുഞ്ഞിനെ ഒളിപ്പിച്ച ശേഷം ക്ലാസിലെത്തിയ വിദ്യാര്‍ത്ഥി കുഴഞ്ഞു വീണു
ചെന്നൈ: പഠിക്കാനായി കോളേജിലെത്തിയ വിദ്യാര്‍ത്ഥിനി ശുചിമുറിയില്‍ പ്രസവിച്ചു. കുഭംകോണത്തെ കോളേജിലാണ് സംഭവം. കുഞ്ഞിനെ ഒളിപ്പിച്ചതിനു ശേഷം തിരികെ ക്ലാസിലെത്തിയ വിദ്യാര്‍ഥി കുഴഞ്ഞുവീഴുകയായിരുന്നു. തുടര്‍ന്ന് ആശുപത്രിയിലെത്തിച്ച് നടത്തിയ പരിശോധനയിലാണ് പ്രസവ വിവരം പുറത്തറിഞ്ഞത്. തുടര്‍ന്നു ശുചിമുറി പരിസരത്തു നടത്തിയ പരിശോധനയില്‍ കുഞ്ഞിനെ കണ്ടെത്തി ആശുപത്രിയിലെത്തിച്ചു.
സംഭവത്തില്‍ പൊലീസ് അന്വേഷണം ആരംഭിച്ചു. ബന്ധുവായ 27 വയസ്സുകാരനുമായി പ്രണയത്തിലായിരുന്നെന്നും ഇയാളാണ് കുഞ്ഞിന്റെ പിതാവെന്നും വിദ്യാര്‍ഥിനി പൊലീസിനു മൊഴി നല്‍കി. ഇവര്‍ തമ്മില്‍ വിവാഹിതരാകാന്‍ തീരുമാനിച്ചതായും പൊലീസ് പറഞ്ഞു. സംഭവത്തില്‍ വിശദമായ അന്വേഷണം നടത്താന്‍ കുംഭകോണം വെസ്റ്റ് പൊലീസിനെയും തിരുവിടൈമരുതൂര്‍ ഓള്‍ വിമന്‍ പൊലീസിനെയും നിയോഗിച്ചതായി അധികൃതര്‍ പറഞ്ഞു.
Next Story
