അവർ വിദേശരാജ്യങ്ങളിൽ പോയി ദേശവിരുദ്ധ പ്രസംഗങ്ങൾ നടത്തുന്നു; കോൺഗ്രസ് നേതാക്കൾക്കെതിരെ വീണ്ടും രൂക്ഷ വിമർശനവുമായി പ്രധാനമന്ത്രി നരേന്ദ്ര മോദി

മുംബൈ: കോൺഗ്രസ് നേതാക്കൾ വിദേശ രാജ്യങ്ങളിൽ പോയി ദേശവിരുദ്ധ പ്രസംഗങ്ങൾ നടത്തുന്നുവെന്ന് വീണ്ടും രൂക്ഷ വിമർശനവുമായി പ്രധാനമന്ത്രി നരേന്ദ്ര മോദി. ഇപ്പോൾ ഗുണ്ടാസംഘങ്ങളും അർബൻ നക്‌സലുകളും ചേർന്നാണ് കോൺഗ്രസിനെ നയിക്കുന്നതെന്ന് മോദി കുറ്റപ്പെടുത്തുകയും വിമർശിക്കുകയും ചെയ്തു. പ്രധാനമന്ത്രി നരേന്ദ്രമോദിയുടെ പരാതിയോട് ബന്ധപ്പെട്ട്, കോൺഗ്രസ് നേതാക്കളുടെ വിദേശ രാജ്യങ്ങളിൽ നടത്തിയ പ്രസംഗങ്ങളെക്കുറിച്ച് രൂക്ഷ വിമർശനം ഉയർന്നിരിക്കുന്നു. അവരുടെ പ്രസംഗങ്ങൾ ദേശവിരുദ്ധമെന്ന ആരോപണവും ഉണ്ട്, കൂടാതെ രാജ്യത്തിന്റെ സമസ്തമായ അവസ്ഥയെ ആസ്പദമാക്കിയാണ് മോദി വിമർശനം നടത്തിയത്.

രാഹുൽ ഗാന്ധിയുടെ പ്രസ്താവനയ്ക്ക് പിന്നാലെ ബിജെപി നേതാക്കളെല്ലാം രൂക്ഷ വിമർശനവുമായി രംഗത്തെത്തിയിരിക്കുകയാണ്. രാഹുൽ ഗാന്ധിക്കെതിരേ ആഭ്യന്തര മന്ത്രി അമിത് ഷായും രംഗത്തെത്തിയിരിന്നു. രാജ്യവിരുദ്ധ പരാമർശങ്ങൾ നടത്തുന്നത് രാഹുലും കോൺഗ്രസും ശീലമാക്കിയെന്ന് അദ്ദേഹം രൂക്ഷമായി വിമർശിച്ചു. വിദേശത്തുപോയി ഇന്ത്യാവിരുദ്ധ പരാമർശം നടത്തുന്നു. രാജ്യത്ത് ഭിന്നതയുണ്ടാക്കാനാണ് ശ്രമമെന്നും അമിത് ഷാ ആരോപണം ഉയർത്തുന്നു.

അമേരിക്കൻ സന്ദർശനത്തിനിടെ രാഹുൽ ഗാന്ധി ഉയർത്തിയ വിഷയങ്ങളുടെ പശ്ചാത്തലത്തിലാണ് അമിത് ഷാ രൂക്ഷമായി പ്രതികരിച്ചത്. ജാതി സെൻസസ്, സംവരണം, സിഖ് വിഷയം അടക്കമുള്ളവയിൽ യു.എസ്. സന്ദർശനവേളയിൽ രാഹുൽ ഗാന്ധി സംസാരിച്ചിരുന്നു. ഇതിന് പിന്നാലെയായിരുന്നു എക്സ് പ്ലാറ്റ് ഫോമിൽ കൂടി ആഭ്യന്തരമന്ത്രിയും വിമർശനവുമായി രംഗത്തെത്തിയത്. രാഹുൽ ഗാന്ധി രാജ്യവികാരത്തെ മുറിവേൽപ്പിക്കുന്ന തരത്തിലുള്ളതും സുരക്ഷയെ ബാധിക്കുന്നതുമായ പരാമർശങ്ങളാണ് നടത്തുന്നതെന്ന് അമിത് ഷാ എക്സ് പ്ലാറ്റ്ഫോമിൽ കുറിച്ചു.