ഡല്‍ഹി അംബേദ്കര്‍ സര്‍വകലാശാലയില്‍ ഡോ. ബി. ആര്‍. അംബേദ്കറുടെ ജന്മദിനാഘോഷങ്ങള്‍ക്കിടെ എസ്.എഫ്.ഐ പ്രതിഷേധം; സംഘടനാപ്രവര്‍ത്തനങ്ങളില്‍ പങ്കെടുത്ത വിദ്യാര്‍ഥികളെ സസ്പെന്ഡ് ചെയ്ത നടപടി പിന്‍വലിക്കണമെന്ന് ആവശ്യം
ന്യൂഡല്‍ഹി: ഡല്‍ഹി അംബേദ്കര്‍ സര്‍വകലാശാലയില്‍ ഡോ. ബി. ആര്‍. അംബേദ്കറുടെ ജന്മദിനാഘോഷങ്ങള്‍ക്കിടെ വിദ്യാര്‍ഥി പ്രതിഷേധം. എസ്എഫ്ഐയുടെ നേതൃത്വത്തില്‍ നടന്ന പ്രതിഷേധത്തില്‍ അംബേദ്കറുടെ ചിത്രമുളള പ്ലക്കാര്‍ഡുകളും മുദ്രാവാക്യങ്ങളും ഉയര്‍ത്തിയായിരുന്നു പ്രകടനം. വൈസ് ചാന്‍സലറും മറ്റ് അധ്യാപകരും പങ്കെടുത്ത പ്രഭാഷണ സമ്മേളനത്തിനിടെയായിരുന്നു പ്രതിഷേധം.
സംഘടനാപ്രവര്‍ത്തനങ്ങളില്‍ പങ്കെടുത്ത വിദ്യാര്‍ഥികളെ സര്‍വകലാശാല അധികൃതര്‍ സസ്പെന്ഡ് ചെയ്ത നടപടി പിന്‍വലിക്കണമെന്ന് ആവശ്യപ്പെട്ട് വിദ്യാര്‍ഥികള്‍ പ്രതിഷേധം ശക്തമാക്കി. സമാനമായ പ്രതിഷേധങ്ങള്‍ രാജ്യത്തെ മറ്റു വിദ്യാഭ്യാസ സ്ഥാപനങ്ങളിലുമുണ്ടായിരുന്നുവെന്ന് റിപ്പോര്‍ട്ടുകള്‍ പറയുന്നു. ഇതിന് പിന്നാലെ സര്‍വകലാശാല കാമ്പസിന് അകത്തും പുറത്തും സുരക്ഷാ കൂട്ടി. അധികൃതര്‍ ഇടപെട്ടതോടെ കൂടുതല്‍ പ്രശ്‌നങ്ങളിലേക്ക് പ്രതിഷേധം പോയില്ല.
അതേസമയം, രാജ്യത്തെ വിവിധ ഭാഗങ്ങളില്‍ അംബേദ്കര്‍ ജയന്തി ആഘോഷങ്ങളോടൊപ്പം ആഘോഷപരിപാടികള്‍ നടന്നു. പാര്‍ലമെന്റ് വളപ്പില്‍ രാഷ്ട്രപതിയും പ്രധാനമന്ത്രിയും മറ്റു ദേശീയ നേതാക്കളും അംബേദ്കറുടെ പ്രതിമയ്ക്ക് പുഷ്പാര്‍ച്ചന നടത്തി. പ്രധാനമന്ത്രി നരേന്ദ്രമോദി ഹരിയാനയിലെ വികസനപദ്ധതികള്‍ ഉദ്ഘാടനം ചെയ്തു. 'അംബേദ്കറുടെ മൂല്യങ്ങള്‍ അടിസ്ഥാനമാക്കിയാണു ഞങ്ങള്‍ രാജ്യഭരണത്തിനിറങ്ങിയത്,' എന്നും അദ്ദേഹത്തിന്റെ ശാന്തിയുടെയും സാമൂഹിക നീതിയുടെയും സന്ദേശമാണ് രാജ്യത്തിന് ഏറെ പ്രാധാന്യമുള്ളതെന്നും പ്രധാനമന്ത്രി പറഞ്ഞു.
